Read Contemporary Zulu Bible 2024 Johane 1 Bible Online

Johane 1 - Contemporary Zulu Bible 2024 bible

Johane 1

¹Ekuqaleni wayekhona uLizwi, uLizwi wayekuNkulunkulu, uLizwi wayenguNkulunkulu.

²Yena lowo wayekhona ekuqaleni kuNkulunkulu.

³Zonke izinto zenziwa nguye; ngaphandle kwakhe akubangakho lutho olwenziwe.

⁴Kuye kwakukhona ukuphila; futhi ukuphila kwakungukukhanya kwabantu.

⁵Ukukhanya kukhanya ebumnyameni; ubumnyama abukwamukelanga.

⁶Kwavela umuntu ethunyiwe nguNkulunkulu, igama lakhe linguJohane.

⁷Yena wezela ubufakazi, ukuze afakaze ngokukhanya, ukuze bonke bakholwe ngaye.

⁸Yena wayengesikho ukukhanya, kepha wayengofakazi bokukhanya.

⁹Kwakungukukhanya okuqinisileyo okukhanyisa wonke umuntu, okwase kuza ezweni.

¹⁰Wayekhona ezweni, izwe lenziwa ngaye, kepha izwe alimazanga.

¹¹Weza kokwakhe, abakhe abamamukelanga.

¹²Kepha bonke abamamukelayo wabapha amandla okuba babe ngabantwana bakaNkulunkulu, labo abakholwa egameni lakhe;

¹³Abazalwa kungengagazi, noma ngentando yenyama, noma ngentando yomuntu, kodwa nguNkulunkulu.

¹⁴ULizwi waba yinyama, wakha phakathi kwethu, sabona inkazimulo yakhe, inkazimulo njengeyozelwe yedwa kuYise, egcwele umusa neqiniso.

¹⁵UJohane wafakaza ngaye, wamemeza wathi: “Nguyena lo ebengisho ngaye ukuthi: ‘Lowo ozayo emva kwami mkhulu kunami, ngokuba wayekhona kuqala kunami.

¹⁶Ekugcwaleni kwakhe samukele sonke umusa phezu komusa.

¹⁷Ngokuba umthetho wanikezwa ngoMose, umusa neqiniso kwavela ngoJesu Kristu.

¹⁸Akakho oke wabona uNkulunkulu; iNdodana ezelwe yodwa esesifubeni sikaYise yiyona embonakalisile.

¹⁹Lokhu kungubufakazi bukaJohane mhla abaJuda bethuma abapristi namaLevi bephuma eJerusalema ukuba bambuze ukuthi: “Wena ungubani na?

²⁰Wavuma, akaphika; kodwa wavuma wathi: Mina kangisiye uKristu.

²¹Basebembuza bathi: Pho? Ungu-Eliya na? Wathi: Kangisuye. Unguye lowomprofethi na? Yaphendula yathi: Hatshi.

²²Base bethi kuye: “Ungubani na? ukuze siphendule abasithumileyo uthini ngawe?

²³Wathi: “Mina ngiyizwi lomemeza ehlane, ethi: ‘Lungisani indlela yeNkosi,’ njengalokho washo u-Isaya umprofethi.

²⁴Lababethunyiwe babevela kubaFarisi.

²⁵Bambuza-ke, bathi kuye: “Pho, ubhapathizelani, uma ungesiye uKristu, no-Eliya, noma lowomprofethi na?

²⁶UJohane wabaphendula wathi: “Mina ngibhapathiza ngamanzi, kepha kumi phakathi kwenu eningamaziyo;

²⁷nguye oza emva kwami, omi phambi kwami, engingafanele ukuthukulula umchilo wesicathulo sakhe.

²⁸Lezo zinto zenzeka eBethabara ngaphesheya kweJordani, lapho uJohane wayebhapathiza khona.

²⁹Ngangomuso wabona uJesu eza kuye, wathi: “Bheka, iWundlu likaNkulunkulu, elisusa izono zezwe.

³⁰Nguye ebengisho ngaye ukuthi: ‘Emva kwami kuza umuntu owavela ngaphambi kwami, ngokuba wayekhona kuqala kunami.

³¹Nami bengingamazi, kodwa ukuze abonakaliswe ku-Israyeli, ngalokho ngizile ngibhapathiza ngamanzi.

³²UJohane wafakaza wathi: “Ngabona uMoya ehla ezulwini njengejuba, wahlala phezu kwakhe.

³³Nami bengingamazi, kodwa owangithuma ukubhapathiza ngamanzi, nguyena wathi kimi: “Lowo ozakubona uMoya ehla ahlale phezu kwakhe, nguyena obhapathiza ngoMoya oNgcwele.

³⁴Mina ngibonile, ngafakaza ukuthi lo uyiNdodana kaNkulunkulu.

³⁵Ngangomuso futhi wayemi uJohane nababili kubafundi bakhe;

³⁶Ebona uJesu ehamba, wathi: “Bheka, iWundlu likaNkulunkulu!

³⁷Abafundi ababili bezwa ekhuluma, bamlandela uJesu.

³⁸UJesu waphenduka, wababona belandela, wathi kubo: Nifunani na? Basebesithi kuye: Rabi, (okutsho ukuthi, Mfundisi,) uhlala ngaphi?

³⁹Wathi kubo: Wozani nibone. Beza babona lapho ehlala khona, bahlala naye lolo suku, ngokuba kwakungaba yihora leshumi.

⁴⁰Omunye wababili abezwa uJohane ekhuluma bamlandela wayengu-Andreya umfowabo kaSimoni Petru.

⁴¹Yena wafumana kuqala umfowabo uSimoni, wathi kuye: “Simfumene uMesiya” okungukuthi ngokuhunyushwa uKristu.

⁴²Yamletha kuJesu. UJesu embuka wathi: “Wena unguSimoni kaJona;

⁴³Ngangomuso wafuna ukuphuma aye eGalile, wafumana uFiliphu, wathi kuye: “Ngilandele.

⁴⁴UFiliphu wayengowaseBetsayida, umuzi ka-Andreya noPetru.

⁴⁵UFiliphu wafumana uNathanayeli, wathi kuye: “Simfumene lowo aloba ngaye emthethweni uMose kanye nabaprofethi, uJesu waseNazaretha, indodana kaJosefa.

⁴⁶UNathanayeli wasesithi kuye: Kambe kukhona into enhle evela eNazaretha? UFiliphu wathi kuye: Woza ubone.

⁴⁷UJesu wabona uNathanayeli eza kuye, wathi ngaye: “Bheka, umIsrayeli okungekho nkohliso kuye.

⁴⁸UNathanayeli wathi kuye: “Ungazelaphi na? UJesu waphendula, wathi kuye: Ngaphambi kokuthi uFiliphu akubize, uphansi komkhiwane, ngakubona.

⁴⁹UNathanayeli waphendula, wathi kuye: “Rabi, wena uyiNdodana kaNkulunkulu; wena uyiNkosi yakwa-Israyeli.

⁵⁰UJesu waphendula, wathi kuye: Uyakholwa ngokuba ngithe kuwe ngikubone uphansi komkhiwane? uzabona izinto ezinkulu kulalezi.

⁵¹Wathi kuye: “Ngiqinisile, ngiqinisile ngithi kini: Niyakubona izulu livulekile, nezingelosi zikaNkulunkulu zenyuka zehla phezu kweNdodana yomuntu.