Read Cuvok 1 Tisalawnik hay 1 Bible Online

1 Tisalawnik hay 1 - Cuvok bible

1 Tisalawnik hay 1

¹Yey, Pawl, Silas va Timawtey, ya vində leeter nesey kad Macam yaŋ ta ndah ta Zlavay da Tisalawnik masa ac ndah ta Zlav Papaŋ va ta Bay Mazlakava Yesu Kəristi. Da lada sə, mambəla ana va metehey da njah ava akwar.

²Anda ŋgə wasay cəɗem cəɗem kad Zlavay mafay takwar fakwanay, anda slaf mezel takwar dapa macə mbahw taciya cəɗem cəɗem.

³Anda sənafa makəsparav takwar masa e ŋgə mezlərey, mawal nda takwar masa a hwadakwar ke te ŋgə mezlərey va mawulak yaŋ ta maŋgat jene takwar masasala, masa anda ŋgatakwa da vara Bay Mazlakava Yesu Kəristi fəma ta Zlav Papaŋ tandakwa.

⁴Anda sənakwa mambəla ana, akwar malama va dəma hay masa Zlav a walakwar va masa ka palaɗakwar ha ka ta njah ka ndah tata.

⁵Masəna mabəzad Labara mambəla ana taciya da varakwar sə, ke ŋgə ava ma hay babəla aabay, amaa ava gədaŋ mazlakava, eve mezlər te Mesfen Mavəna, eve mesən jene metehwe ana masa manəha dapa andaw. Aŋga mambəla ana ara nesey, masa akwa sən manjah taciya dapa taɓa takwar, mafay ta mambəla ana takwar.

⁶Akwar sə, akwar ka cəpandaw, andaw va Bay Mazlakava. Kwa akwar dapa marga mabay, akwar ka kəs ma ta Zlavay eve meweslə masa e dek da vara Mesfen Mavəna.

⁷Ara nesey, akwar ka tərata mececeley kad makəsparav hay fakwanay dapa vavara ta Masiduwan va vavara ta Akay.

⁸Yaw, naa mafay ta masa ma ta Bay Mazlakava e zlerek da varakwar kad Masiduwan va kad Akay babəla bay, amaa mafay ta masa kwa fəla fəla, ndana hay aca cəna ma da yaŋ makəsparav takwar da yaŋ Zlavay. Ara nesey, andə te gweɗeceŋ kad yaŋ ana sə, ɓasabay.

⁹Afa ndana hay fakwanay, ece gweɗey da yaŋ masa akwar ka kəsandaw mambəla ana dapa masa andə ka daɗ kad varakwar. Asaya, ece gweɗey da yaŋ masa akwar ke ŋgwedek ma avəda kad vara Zlavay, akwar ka ŋgwadafa dəɓa mbat hay ka ta ŋgana mezlər kad Zlav masa aŋga eve ndey va masa aŋga metehwe ana

¹⁰va ka ta ɓal Wudiya masa ka pəraka avəda dapa maməcay, Yesu masa a pəraslakandakwa dapa mezem ta rav ta Zlavay masa e te dekey.