Read Cuvok Ebəre hay 8 Bible Online

Ebəre hay 8 - Cuvok bible

Ebəre hay 8

¹Mawala ma mazlakava masa anda wal megweɗey: Andakwa ava mazlakava ta ndaakwas hay ara nda nesey sə, aɓa, masa ka njah a ha ta zam ta gwadadakw ta bay ta Zlavay da baymaləvaŋ hay.

²Aŋga sə, aŋga nda maŋga mezlər dapa way ta kwakwas va dapa meker metehwe ana masa Bay Mazlakava ta kariya ava ha tata da baymaləvaŋ, bəna masa ndana ta kariya bay.

³Kwa mazlakava ta ndaakwas wula wula sə, mezlər tata sə, ta mavə jene va maŋgə kwakwas kad Zlavay. Ara nesey, a lada Yesu mazlakava ta ndaakwas hay tandakwa sə, aŋga eve jene te mevə ɓa may.

⁴Daha efes Kəristi aŋga dapa vavara sə, kwa a ta njah ka ndaakwas aabay, afa ndana hay ɓa masa aca və jene ara ma majawa ta Muyiz te gweɗey.

⁵Amaa makəɗ ha kad Zlav teceŋ sə, ac manjaha ara meezeŋ te jene hay metehwe ana da baymaləvaŋ. Jeŋ ana, ke ŋgə ara nesey ana ava Muyiz dapa masa a ta karana slam kad Zlavay. Zlav ka gwaɗa, gege: «Ka da pə leŋgesl fe meker ta slam ana ara masa ya ta gwaɗakaa dapa wudam.»

⁶Eve metehwe ana, mezlər masa Yesu ta ŋgiya sə, aŋga mazlakava ka fəna mezlər masa ndaakwas hay mekele ta ŋgiya, afa aŋga maslamda ta majaw ma mambəla ana masa a fəna majaw ma macaaca ana masa aŋga mazlaca da yaŋ ma magwaɗa ana daha mambəla ana.

⁷Eve metehwe ana, daha majaw ma macaaca ana aŋga ava ma da yaŋ ana ɓa aabay sə, efes e te ŋgwed ava majaw ma meecew ana aabay.

⁸Anjəkar aŋga ara mapay masa Zlav te peyefec ndah tata, gege: «Bay Mazlakava ke gweɗ, gege: “Pas ana hay ac te husekey, masa ya ta jaw ma waya ava ndah da hwaɗ ta way te Isreyel, va ava ndah da hwaɗ ta way ta Zuda”.

⁹Bay Mazlakava, gege: “Majaw ma ana sə, e te ŋgə ara masa ya ta jawiya ava papaŋ tec hay bay, pas masa ye te təhezec ava ha taaɗaw ke te həlekec dapa vavara ta Misəra kad a vəda, afa eceŋ ana sə, ec ke zlec dapa majaw ma masa ya ta jawiya eve eceŋ sə, aabay”. Mafay ana, ya may, ye ke ŋgwedefec dəɓa.

¹⁰Yey, Bay Mazlakava, ye ke gweɗey: “Amaa mawala, majaw ma masa ya ta jawiya ava ndah da hwaɗ ta way te Isreyel, ava dəɓa ta manah hay ana ŋgesey, ya ta paɗ ma majawa aɗaw hay pe leŋgesl teceŋ, ye te vindecen pa rav teceŋ. Ya ta njah ka Zlav teceŋ, eceŋ may, ac ta njah ka ndah taaɗaw.

¹¹Kwa ndana masa a ta hwar masasərakan jene kad nda mekele, daha aabay, kad malamaŋ eve megweɗey: Səna Bay Mazlakava sə, aabay, afa ac fakwanay, ec te səniyey avəda, e zler fe wude hey, kasl fa mazlakava hay,

¹²afa ye te pəlecen mezlek teceŋ va ya ta sənafa mebər tec sabay.”»

¹³Masa Zlav e gweɗ da yaŋ majaw ma waya sə, ka təraɗ majaw ma mava sə, ka macaaca ana. Anjəkar, masa e tər ka mava va masa e ŋgə ka marndaw sə, ŋgesey a ta maməhata.