Read Beibl Cymraeg Newydd Diwygiedig yn cynnwys yr Apocryffa 2004 Y Salmau 144 Bible Online

Y Salmau 144 - Beibl Cymraeg Newydd Diwygiedig yn cynnwys yr Apocryffa 2004 bible

Y Salmau 144

¹Salm Dafydd. [1] Bendigedig fyddo yr ARGLWYDD fy nerth, yr hwn sydd yn dysgu fy nwylo i ymladd, a'm bysedd i ryfela.

²Fy nhrugaredd, a'm hamddiffynfa; fy nhŵr, a'm gwaredydd: fy nharian yw efe, ac ynddo y gobeithiais; yr hwn sydd yn darostwng fy mhobl danaf.

³ARGLWYDD, beth yw dyn, pan gydnabyddit ef? neu fab dyn, pan wneit gyfrif ohono?

⁴Dyn sydd debyg i wagedd; ei ddyddiau sydd fel cysgod yn myned heibio.

⁵ARGLWYDD, gostwng dy nefoedd, a disgyn: cyffwrdd â'r mynyddoedd, a mygant.

⁶Saetha fellt, a gwasgar hwynt; ergydia dy saethau, a difa hwynt.

⁷Anfon dy law oddi uchod; achub a gwared fi o ddyfroedd mawrion, o law plant estron;

⁸Y rhai y llefara eu genau wagedd, ac y mae eu deheulaw yn ddeheulaw ffalster.

⁹Canaf i ti, O DDUW, ganiad newydd: ar y nabl a'r dectant y canaf i ti.

¹⁰Efe sydd yn rhoddi iachawdwriaeth i frenhinoedd; yr hwn sydd yn gwaredu Dafydd ei was oddi wrth y cleddyf niweidiol.

¹¹Achub fi, a gwared fi o law meibion estron, y rhai y llefara eu genau wagedd, ac y mae eu deheulaw yn ddeheulaw ffalster:

¹²Fel y byddo ein meibion fel planwydd yn tyfu yn eu hieuenctid; a'n merched fel conglfaen nadd, wrth gyffelybrwydd palas:

¹³Fel y byddo ein celloedd yn llawn, yn trefnu pob rhyw luniaeth; a'n defaid yn dwyn miloedd a myrddiwn yn ein heolydd:

¹⁴A'n hychen yn gryfion i lafurio; heb na rhuthro i mewn, na myned allan; na gwaedd yn ein heolydd.

¹⁵Gwyn eu byd y bobl y mae felly iddynt: gwyn eu byd y bobl y mae yr ARGLWYDD yn DDUW iddynt.