Read DIEM PROTESTANTA Salamo 12 Bible Online

Salamo 12 - DIEM PROTESTANTA bible

Salamo 12

¹Tao amin’ny tahirin-kiran’ny filohan’antoko-mpihira. Hampiarahina amin’ny valiha torifolo[22]. Salamo nataon’i Davida.

²Mba vonjeo re, TOMPO ô, fa miharingana ny mpivavaka marina; ary dia tsy misy intsony ny olona azo itokiana.

³Lainga hatrany no ifampilazana: ny teny mandoka fa ny fo tsy azo antoka.

⁴Hofoanan’ny TOMPO avokoa anie ny mpandoka sy ireo avo vava,

⁵dia ireo izay manambara hoe: «Ny filàzanay no handresenay lahatra; hainay ny miteny, ka tsisy atahoranay!»

⁶Hoy kosa ny TOMPO hoe: «Hirotsaka an-tsehatra Aho izao noho ireo mahantra ampahorîna sy ireo malahelo mitaraina; hovonjeko ireo voavingavinga[23].»

⁷Madio ny tenin’ny TOMPO: toa volafotsy voarendrika tamin’ny memy anaty tany ka voadio impito miantoana.

⁸TOMPO ô, mitana ny teninao Ianao ka hiambina anay mandrakariva tsy ho azon’ny karazan’olona toy izany,

⁹na dia mihaodihaody aminay aza ireny ratsy fanahy ireny ary na dia mihalò hatrany aza ny toetran’ny olombelona.