Read DIEM PROTESTANTA Salamo 148 Bible Online

Salamo 148 - DIEM PROTESTANTA bible

Salamo 148

¹Haleloià! Miderà ny TOMPO ianareo any an-danitra any; eny, miderà Azy ianareo any ambony any.

²Miderà Azy, ry anjeliny rehetra; miderà Azy, ry tafiny tontolo.

³Miderà Azy, ry masoandro amam-bolana; miderà Azy, ry kinta-mazava rehetra.

⁴Miderà Azy, ry lanitra faratampony mbaminareo rano any ambonin’ny habakabaka[388].

⁵Aoka ireo samy hidera ny anaran’ny TOMPO, satria Izy no nandidy, dia ary ireo

⁶sady nataony maharitra mandrakizay sy nomeny lalàna tsy azo dikaina!

⁷Miderà ny TOMPO ianareo eto an-tany; miderà Azy, ry dragona sy rano lalimbe rehetra,

⁸ry afo sy havandra, ry orampanala sy zavona, ry rivotra mahery izay mpankatò ny teniny;

⁹miderà Azy, ry tendrombohitra sy havoana rehetra, ry hazo mamoa sy sedera rehetra,

¹⁰ry bibidia sy biby fiompy rehetra, ry biby mandady sy voro-manidina.

¹¹Miderà Azy, ry mpanjakan’ny tany sy ry vahoaka rehetra, ry mpitondra sy mpifehy rehetra eran-tany,

¹²ry tovolahy sy tovovavy, ry zokiolona ombàn’ny ankizy.

¹³Aoka ianareo samy hidera ny Tompo, satria ny anarany irery no avo indrindra: ambonin’ny tany aman-danitra ny fiandrianany.

¹⁴Nataony mitraka sy mahery ny vahoakany; ka midera ny TOMPO ireo mpivavaka aminy, dia ireo Israelita vahoaka lalainy. Haleloià!