Read DIEM PROTESTANTA Salamo 16 Bible Online

Salamo 16 - DIEM PROTESTANTA bible

Salamo 16

¹Hira malefaka nataon’i Davida. Andriamanitra ô, arovy aho satria Ianao no fialofako.

²Hoy aho tamin’ny TOMPO: «Ianao tokoa no Tompoko ka tsy misy hasambarako, raha tsy eo akaikinao!»

³Ny vahoakan’Andriamanitra eto amin’ny tany no tena tsara laza ka sitrako fatratra.

⁴Fa izay mpirohotra amin’andriamani-kafa dia hampitombo kosa ny fahorian-tsainy; tsy mba hiaraka aminy velively aho hanolotra ny fanati-dra izay ararany, ary tsy hanonona anarana azy akory.

⁵TOMPO ô, Ianao no zarako sy lovako; Ianao tokoa no mitantana ny hoaviko.

⁶Zava-mahafinaritra no voatendry ho ahy; eny, ilay fananana soa indrindra no azoko.

⁷Isaorako ny TOMPO Izay manolo-tsaina ahy; na amin’ny alina aza dia anarin’ny eritreritro aho.

⁸Ataoko eo anoloako mandrakariva ny TOMPO, eo ankavanako Izy ka tsy hihontsona aho[28].

⁹Koa faly sy ravo ny fo amam-panahiko, ary izany no itoerako amim-pahatokiana;

¹⁰satria Ianao tsy manary ahy ho rembin’ny fonenan’ny maty sady tsy mamela ahy hogiazan’ny fasana noho izaho tena mpivavaka aminao[29].

¹¹Ampahafantarinao ahy ny lalana izay mankany amin’ny fiainana; hafaliana no manenika ahy eo anatrehanao, fahafinaretana mitohy no eo ankavananao[30].