Read DIEM PROTESTANTA Salamo 23 Bible Online

Salamo 23 - DIEM PROTESTANTA bible

Salamo 23

¹Salamo nataon’i Davida Ny TOMPO no mpiandry ahy ka tsy ory na inona na inona aho.

²Ampandrîny eo amin’ny ahi-maitso aho ary entiny eo amin’ny rano mahafa-tsasatra[48],

³velombelominy aina indray aho, ary tarihiny amin’ny lala-marina, satria mpiandry an’i Israely Izy.

⁴Na mandeha mamaky lohasaha maizina izay tandindomin’ny fahafatesana aza aho, dia tsy misy loza atahorako fa Ianao no miaraka amiko. Tarihinao sy arovanao aho ka izany no mampatoky ahy.

⁵Anomananao fanasana aho eo anoloan’ireo fahavaloko; hosoranao ilomanitra ny lohako[49] sady fenoinao mitafotafo ny kaopiko.

⁶Eny tokoa, mandritra ny andro iainako rehetra dia ny hatsarampo amam-pitiavanao no hiaraka amiko. TOMPO ô, hitoetra[50] lalandava ao an-tranonao aho.