Read DIEM PROTESTANTA Salamo 32 Bible Online

Salamo 32 - DIEM PROTESTANTA bible

Salamo 32

¹Tononkalo fananarana nataon’i Davida. Sambatra ny olona afa-keloka sy voavelan’Andriamanitra ny otany.

²Sambatra izay tsy heverin’ny TOMPO ho diso sady tsy misy fitaka ny fanahiny[62].

³Fony aho tsy mbola niaiky fahotana, dia nihalany hery ny tenako satria nitaraina tontolo andro aho.

⁴Andro aman’alina, Tompo ô, no nanasazianao ahy hatrany; ka nanjary reraka mafy aho, toa nasian’ny hainandro migaina. Fiatoana

⁵Koa dia naborako taminao ny otako ary tsy nafeniko Anao ny hadisoako. Hoy aho hoe: «Meloka aho, TOMPO ô, ka tsy maintsy hiaiky izany aminao.» Tamin’izay dia nafahanao ny otako. Fiatoana

⁶Ny mpivavaka marina rehetra dia tokony hitalaho aminao toy izany amin’ny fotoana ilàny vonjy aminao; ka na toa ranobe hitelina aza ny loza, dia tsy hahatratra azy akory izany.

⁷Ianao no fierena miaro ahy mba tsy ho azon’ny fahoriana; ny ahodidinao ahy dia horakora-pihobiana ataon’ireo mifaly fa nafahanao aho. Fiatoana

⁸Hoy ny Tompo hoe: «Hampianariko ianao sady hotondroiko ny lalan-kalehanao, hotoroako hevitra sy harahiko maso:

⁹aoka ianao tsy ho ketrina toa soavaly na ampondra izay vy sy lamboridy no ihazonan’olona azy; dia tsy hisy zava-doza hihatra aminao.»

¹⁰Fijaliana maro ny an’ny ratsy fanahy; fa izay mitoky amin’ny TOMPO kosa dia harovan’ny fitiavany hatrany.

¹¹Noho ny amin’izay nataon’ny TOMPO, dia mifalia sy miravoa, ry olo-marina; manaova horakora-pihobiana, ianareo rehetra mahitsy fo.