Read DIEM PROTESTANTA Salamo 4 Bible Online

Salamo 4 - DIEM PROTESTANTA bible

Salamo 4

¹Tao amin’ny tahirin-kiran’ny ilohan’antoko-mpihira. Hampiarahina amin’ny valiha. Salamo nataon’i Davida.

²Ry Andriamanitra mpanome rariny ahy ô, raha miantso vonjy aho, mba valio. Tao an-katerena aho no efa nafahanao; iantrao àry aho ka henoy vavaka.

³Mandra-pahoviana, rey olona, no handotoanareo ny voninahitro? Ny hanendrikendrika ahy tsy amin’antony sy ny hamoron-dainga hiampangana ahy: izany no kendrenareo hatrany hatrany. Fiatoana

⁴Fantaro kosa fa igagana ny fitiavan’ny TOMPO ahy; henoiny aho rehefa miantso vonjy aminy.

⁵Tezera kanefa aza manota ianareo[7], mieritrereta eo am-pandriana kanefa aza manahy. Fiatoana

⁶Fa manaova kosa sorona araka ny lalàna ary dia matokia ny TOMPO.

⁷Maro ny olona mitaraina hoe: «Mba te hahita fahasambarana izahay, ka jereo amin-kamorampo, TOMPO ô.»

⁸Nasianao fifaliana kosa ato am-poko mihoatra noho ilay fifalian’ireo, amin’ny itobahan’ny variny sy ny divainy.

⁹Vao mandry aho dia renoka am-piadanana, satria Ianao irery ihany, TOMPO ô, no mampitombina ahy tsy hanana ahiahy.