Read DIEM PROTESTANTA Salamo 47 Bible Online

Salamo 47 - DIEM PROTESTANTA bible

Salamo 47

¹Tao amin’ny tahirin-kiran’ny filohan’antoko-mpihira. Salamo nataon’ireo terak’i Kôra[91].

²Ry vahoaka rehetra, mitehafa tanana sy manaova hobim-pifaliana ho an’Andriamanitra;

³fa ny TOMPO no avo indrindra ka mahatahotra, Mpanjaka lehibe amin’ny tany tontolo Izy.

⁴Vahoaka maro no reseny hofehezinay, firenen-tsamy hafa no ataony manaiky anay.

⁵Nofidiny ny zaratany holovanay ka izany no ireharehanay, satria izahay taranak’i Jakôba dia vahoaka tiany tokoa. Fiatoana

⁶Arahina hoby Andriamanitra no miakatra ao Tsiôna[92]. Ombàn’ny feon’anjomara no tonga ao Izy TOMPO.

⁷Ankalazao Andriamanitra, ankalazao amin-tsalamo! Ankalazao ny Mpanjakantsika, ankalazao amin-tsalamo!

⁸Fa Mpanjakan’ny tany tontolo Andriamanitra, koa ankalazao amin-kira faran’izay mirindra.

⁹Andriamanitra manjaka amin’ny firenen-drehetra sy mitoetra amin’ny sezafiandrianany manokana.

¹⁰Ireo mpanapaka ny firenen-kafa dia nikambana ho mpomba an’ilay Andriamanitr’i Abrahama; ka voasandratra ambony dia ambony Andriamanitra noho Izy mifehy ireo andriambaventin’ny tany!