Read DIEM PROTESTANTA Salamo 48 Bible Online

Salamo 48 - DIEM PROTESTANTA bible

Salamo 48

¹Tononkira. Salamo nataon’ireo terak’i Kôra [93].

²Lehibe ny TOMPO Andriamanitsika, hany ka mendrika hoderaina fatratra ao an-tanànany, ao an-tendrombohiny masina[94].

³Tsara fideza ny tendrombohitra Tsiôna sady fifalian’ny vahoaka eran-tany: tendrombohitra fonenan’ny Tompo[95], tanànan’ilay Mpanjaka lehibe[96].

⁴Ao an-dapany ao Andriamanitra no miseho ho fiarovana avo.

⁵Indreny mpanjaka mivorivory, dia miara-mandroso hamely an’i Tsiôna;

⁶kanjo nahatazana, dia nidonàka, nangorohoro ka riatra nandositra.

⁷Nihovotrovotra foana teo izy ireo, nanaintaina toa vehivavy hiteraka;

⁸mova tsy ny rivotra avy any atsinanana, izay mahapotika sambo goavana, no nifofofofo nianjady taminy.

⁹Araka ny henonay no mbola hitanay ao an-tanànan’ny TOMPOn’izao rehetra izao, ao an-tanànan’ilay Andriamanitray! Izy Andriamanitra no mampijoro azy hatrany. Fiatoana

¹⁰Eto anivon’ny tempolinao, Andriamanitra ô, no ametsovetsoanay ny fitiavanao.

¹¹Hatrany am-paran’ny tany ny lazanao, ka hatrany koa no hiderana Anao. Feno fahamarinana ny tananao ankavanana;

¹²ary, noho ny fitsarana ara-drariny navoakanao, dia aoka hifaly ny olona ao an-tendrombohitra Tsiôna, aoka hiravo ny mponina ao an-tanànan’i Joda!

¹³Mitanjozora manodidina an’i Tsiôna ka isaonareo ny tilikambony,

¹⁴banjino tsara ny màndany, ary diniho fatratra ny lapany; dia ho azonareo tantaraina amin’ny taranaka any aoriana

¹⁵fa io Andriamanitra io no Andriamanitsika mandrakizay, ary Izy mihitsy no hitantana antsika hatrany hatrany.