Read DIEM PROTESTANTA Salamo 87 Bible Online

Salamo 87 - DIEM PROTESTANTA bible

Salamo 87

¹Salamo nataon’ny terak’i Kôra. Tononkira. Teo an-tendrombohitra masina no nanorenan’ny TOMPO an’i Jerosalema.

²Tiany tokoa ny tanànan’i Tsiôna mihoatra noho ny toerana rehetra izay nonenan’ireo taranak’i Jakôba.

³Ry ilay tanànan’Andriamanitra ô, zava-malaza no ambarany momba anao: Fiatoana

⁴«Eo anatrehan’ireo mpahalala Ahy, hoy Izy, no hotsarovako fa ny Ejiptianina sy ny Babilônianina mbamin’ny Filistinina sy ny Tirianina ary ny Etiôpianina dia samy teraka tany amin’ny taniny avy.

⁵Izao kosa no holazaiko momba an’i Tsiôna: Ny olona tsirairay dia samy teraka tao; Ilay Avo Indrindra mihitsy no manamafy orina azy.»

⁶Ny TOMPO manao lisitra ireo firenena ka manoratra ny isam-batan’olona hoe: «Ity dia teraka tao Tsiôna.» Fiatoana

⁷Ireo kosa mandihy sy mihira hoe: «Ao Tsiôna no loharano ipoiran’ny fitahiana rehetra ho anay.»