Read DIEM PROTESTANTA Salamo 91 Bible Online

Salamo 91 - DIEM PROTESTANTA bible

Salamo 91

¹Izay mipetraka ao amin’ny fialofan’ilay Avo Indrindra dia mitoetra eo ambany fiarovan’Andriamanitra Tsitoha,

²ka tokony hiteny amin’ny TOMPO izy hoe: «Ianao no manda fiarovana ho ahy; Ianao no Andriamanitro ka itokiako.»

³— Ny Tompo mihitsy no hanafaka anao amin’ny fandrika mivelatra sy areti-mandringana.

⁴Harovany amin’ny elany ianao; eo ambany elany no hialofanao tahaka ny zanak’akoho eo ambany ela-dreniny. Ny fahamarinany no ampinga fiarovana,

⁵ka tsy misy zavatra atahoranao akory: na ny loza mampihorohoro amin’ny alina, na ny zana-tsipîka manidina amin’ny antoandro,

⁶na ny areti-mandringana misoko amin’ny haizina, na ny voina mandripaka amin’ny mitataovovonana.

⁷Eny, na misy olona arivo aza maty eo akaikinao ary na iray alina aza miampatra eo ankavananao, dia tsy hisy loza hihatra aminao akory.

⁸Ahirato fotsiny ny masonao, dia ho hitanao ny famalian’Andriamanitra ny olon-dratsy.

⁹Ny TOMPO mihitsy no fialofana ho anao sady ny Avo Indrindra no nataonao fonenana;

¹⁰ka tsy hisy loza hianjady aminao na antambo hanakaiky ny tranonao.

¹¹Fa ny Tompo handidy ny anjeliny hiahy anao mba hiaro anao na aiza na aiza alehanao;

¹²hoentin’ireo eny an-tanany ianao mba tsy ho tafintohina amin’ny vato ny tongotrao[220].

¹³Hodiavinao ny liona sy ny menarana hohitsahinao ny tigra sy ny dragona[221].

¹⁴Hoy ny Tompo hoe: «Nifikitra tamiko izy, ka hovonjeko; harovako izy satria miaiky ahy ho Tompo.

¹⁵Raha miantso vonjy amiko izy, dia hovaliako; raha azom-pahoriana izy, dia ho eo anilany Aho; hafahako izy sy homeko voninahitra.

¹⁶Hataoko ela velona tokoa izy ary hanehoako ny famonjeko.»