Read DIEM PROTESTANTA Nomerỳ 33 Bible Online

Nomerỳ 33 - DIEM PROTESTANTA bible

Nomerỳ 33

¹Ireto avy ny lalana nalehan’ny Israelita rehefa niala tany Ejipta teo ambany fitarihan’i Mosesy sy i Aharôna izy.

²Nomarihin’i Mosesy tsara ny toerana nasain’ny TOMPO nijanonany sy niaingany indray araka izao[128]:

³Niala teo Ramsesa ny Israelita tamin’ny volana voalohany, andro faha-19. Ny ampitson’ny andro Paska voalohany no niaingan’ny Israelita amin-kalalahana teo imason’ny Ejiptianina rehetra[129].

⁴Mbola nandevina ny lahimatoany izay novonoin’ny TOMPO ho faty izy ireo: izany no nampiharan’ny TOMPO tamin’ny andriamaniny ny didy fanamelohana.

⁵Niala teo Ramsesa ny Israelita, dia nitoby tao Sokôta;

⁶Niala teo Sokôta, dia nitoby tao Etama manamorona ny taniefitra;

⁷niala teo Etama, dia niverina tao Py-Hahirôta tandrifin’i Bahala-Tsefôna ka nitoby teo akaikin’i Migdôla;

⁸niala teo Py-Hahirôta, dia namakivaky ny ranomasina mba hihazo ny taniefitra ary nandeha lalana telo andro tany an-taniefitra dia nitoby tao Marà.

⁹Niala tao Marà ny Israelita, dia nankany Elimà izay nisy loharano 12 sy foto-drofia fitopolo, ka nitoby tao;

¹⁰niala tao Elimà, dia nitoby teo akaikin’ny Ranomasin’ny Volotara;

¹¹niala teo amin’ny Ranomasin’ny Volotara, dia nitoby tao amin’ny taniefitra Sîna;

¹²niala teo an-taniefitr’i Sîna, dia nitoby tao Dôfkà;

¹³niala teo Dôfkà, dia nitoby tao Alosa;

¹⁴niala teo Alosa, dia nitoby tao Refidima izay tsy nahitan’ny olona rano hosotroina.

¹⁵Niala teo Refidima ny Israelita, dia nankany an-taniefitr’i Sinay;

¹⁶niala teo an-taniefitr’i Sinay, dia nitoby tao Kibrôta-Hataavà;

¹⁷niala teo Kibrôta-Hataavà, dia nitoby tao Hatserôta;

¹⁸niala teo Hatserôta, dia nitoby tao Ritmà;

¹⁹niala teo Ritmà, dia nitoby tao Rimôna-Peretsa;

²⁰niala teo Rimôna-Peretsa, dia nitoby tao Libnà;

²¹niala teo Libnà, dia nitoby tao Risà.

²²niala teo Risà, dia nitoby tao Kehelatà;

²³niala teo Kehelatà, dia nitoby tao an-tendrombohitra Sefera;

²⁴niala teo an-tendrombohitra Sefera, dia nitoby tao Harada;

²⁵niala teo Harada, dia nitoby tao Makelôta;

²⁶niala teo Makelôta, dia nitoby tao Tahata;

²⁷niala teo Tahata, dia nitoby tao Terà;

²⁸niala teo Terà, dia nitoby tao Mitkà;

²⁹niala teo Mitkà, dia nitoby tao Hasmôna;

³⁰niala teo Hasmôna, dia nitoby tao Môserôta;

³¹niala teo Môserôta, dia nitoby tao Bene-Jahakàna;

³²niala teo Bene-Jahakàna, dia nitoby tao Hôra-Gidgada;

³³niala teo Hôra-Gidgada, dia nitoby tao Jôtbatà;

³⁴niala teo Jôtbatà, dia nitoby tao Habrônà;

³⁵niala teo Habrônà, dia nitoby tao Hetsiôna-Gebera;

³⁶niala teo Hetsiôna-Gebera, dia nitoby tany an-taniefitr’i Tsina, izany hoe tao Kadesy;

³⁷ary niala teo Kadesy, dia nitoby tao an-tendrombohitra Hôra, akaikin’ny sisin-tanin’i Edôma.

³⁸Araka ny didin’ny TOMPO, dia niakatra teo an-tendrombohitra Hôra i Aharôna mpisorona. Feno 123 taona izy no maty teo, tamin’ny andro voalohan’ny volana fahadimy, efapolo taona taorian’ny nialan’ny Israelita tany Ejipta[130].

³⁹

⁴⁰Tamin’izany no nandrenesan’ny mpanjakan’i Harada, ilay Kanahanita izay nonina tany atsimon’i Kanahàna, fa tonga ny Israelita[131].

⁴¹Niala teo an-tendrombohitra Hôra ny Israelita, dia nankany Tsalmônà;

⁴²niala teo Tsalmônà, dia nitoby tao Ponôna;

⁴³niala teo Ponôna; dia nitoby tao Ôbôta;

⁴⁴niala teo Ôbôta, dia nitoby tao Hije-Habarîma tao amin’ny faritanin’i Môaba;

⁴⁵niala teo Hije-Habarîma, dia nitoby tao Dibôna-Gada;

⁴⁶niala teo Dibôna-Gada, dia nitoby tao Halmôna-Diblataîma;

⁴⁷niala teo Halmôna-Diblataîma, dia nitoby tao an-tendrombohitra Habarîma tandrifin’i Nebao;

⁴⁸niala teo an-tendrombohitra Habarîma, dia nitoby tao amin’ny lemak’i Môaba, teo amoron’i Jôrdàna tandrifin’i Jerikao.

⁴⁹Teo amoron’i Jôrdàna, tanelanelan’i Bety-Jesimôta sy Abela-Sitima tao amin’ny lemak’i Môaba, no nitobian’ny Israelita.

⁵⁰Tao amin’ny lemak’i Môaba, teo amoron’i Jôrdàna tandrifin’i Jerikao, no nitenenan’ny TOMPO tamin’i Mosesy

⁵¹mba hamepetra ny Israelita hoe: — Rehefa tafita an’i Jôrdàna ianareo ka tonga any amin’ny tany Kanahàna,

⁵²dia horoahinareo avokoa ny mponina rehetra eo amin’ny tany, hopotehinareo ny sary vato sy sary metaly rehetra mampiseho ny andriamaniny, ary horaranareo avokoa ny toeram-pivavahany.

⁵³Halainareo ny tany ka honenanareo, fa ianareo no nomeko azy ho lovanareo.

⁵⁴Antsapaka no hizarànareo ny tany araka ny tarikareo avy; izay maro an’isa no homenareo zara tany bebe kokoa, ary izay vitsy kosa dia homenareo zara tany kelikely kokoa. Antsapaka ihany no hamaritana ny toerana hisy ny anjaran’ny tarika tsirairay; ary araka ny fokon-drainareo avy no hahazoanareo zara tany[132].

⁵⁵Fa raha tsy roahinareo ny mponina rehetra amin’ny tany ao, dia ho lay amin’ny masonareo sy ho tsilo amin’ny tehezanareo izay olona sisa tavela ka hampijaly anareo eo amin’ny tany honenanareo.

⁵⁶Ary dia hataoko aminareo izay efa nokasaiko hatao aminy.