Read DIOSPA QHELQACHISQ Quechua 1 CRÓNICAS 27 Bible Online

1 CRÓNICAS 27 - DIOSPA QHELQACHISQ Quechua bible

1 CRÓNICAS 27

¹Kaykunan karqan Israel ayllu umallikuna, waranqa soldadoq umallinkuna, pachak soldadoq umallinkuna, oficialninkunapiwan. Paykunan reypaq llank'arqanku t'aqankuman hina. Sapanka t'aqa soldadon killankata llank'arqanku watantin, sapanka t'aqapitaq iskay chunka tawayoq waranqa qharikuna karqanku.

²Ñawpaqkaq killapaqmi ñawpaqkaq t'aqa iskay chunka tawayoq waranqa qharikuna karqan, umallinkutaq Zabdielpa churin Jasobeam karqan.

³Jasobeamqa Farespa mirayninmantan karqan, paymi kamachirqan ñawpaq killapaq t'aqasqa llapan oficialkunata.

⁴Iskaykaq killapaq t'aqasqa iskay chunka tawayoq waranqa qharikuna karqan, umallinkutaq Ahoh ayllumanta Dodai karqan, Miclot-taq yanapaqnin karqan.

⁵Kinsakaq killapaq t'aqasqa iskay chunka tawayoq waranqa qharikuna karqan, umallinkutaq karqan uma sacerdote Joiadaq churin Benaía,

⁶ichaqa churin Amisabadmi rantinpi kamachirqan. Benaiaqa kinsa chunka mentasqa qharikunamanta hukninmi karqan, paykunaq umallintaq karqan.

⁷Tawakaq killapaq t'aqasqa iskay chunka tawayoq waranqa qharikuna karqan, umallinkutaq Joabpa wawqen Asael karqan, chay qhepatataq churin Zebadías kamachirqan.

⁸Phisqakaq killapaq t'aqasqa iskay chunka tawayoq waranqa qharikuna karqan, umallinkutaq Izraq miraynin Samhut karqan.

⁹Soqtakaq killapaq t'aqasqa iskay chunka tawayoq waranqa qharikuna karqan, umallinkutaq Tecoamanta Iquespa churin Ira karqan.

¹⁰Qanchiskaq killapaq t'aqasqa iskay chunka tawayoq waranqa qharikuna karqan, umallinkutaq Efrainpa mirayninmanta Pelón llaqtayoq Heles karqan.

¹¹Pusaqkaq killapaq t'aqasqa iskay chunka tawayoq waranqa qharikuna karqan, umallinkutaq Zeraq mirayninmanta Husa llaqtayoq Sibecai karqan.

¹²Isqonkaq killapaq t'aqasqa iskay chunka tawayoq waranqa qharikuna karqan, umallinkutaq Benjaminpa mirayninmanta Anatot llaqtayoq Abiezer karqan.

¹³Chunkakaq killapaq t'aqasqa iskay chunka tawayoq waranqa qharikuna karqan, umallinkutaq Zeraq mirayninmanta Netofa llaqtayoq Maharai karqan.

¹⁴Chunka hukniyoqkaq killapaq t'aqasqa iskay chunka tawayoq waranqa qharikuna karqan, umallinkutaq Efrainpa mirayninmanta Piratón llaqtayoq Benaía karqan.

¹⁵Chunka iskayniyoqkaq killapaq t'aqasqa iskay chunka tawayoq waranqa qharikuna karqan, umallinkutaq Otonielpa mirayninmanta Netofa llaqtayoq Heldai karqan.

¹⁶Israel ayllukunaq umallinkunataq kay hina karqan: Rubén aylluq umallin: Zicriq churin Eliezer. Simeón aylluq umallin: Maacaq churin Sefatías.

¹⁷Leví aylluq umallin: Kemuelpa churin Hasabías, Aaronpa miraynin umallitaq Sadoc.

¹⁸Judá aylluq umallin: Davidpa wawqen Eliú. Isacar aylluq umallin: Micaelpa churin Omri.

¹⁹Zabulón aylluq umallin: Abdiaspa churin Ismaías. Neftalí aylluq umallin: Azrielpa churin Jerimot.

²⁰Efraín aylluq umallin: Azaziaspa churin Oseas. Jordán mayu inti haykuy ladopi Manasespa kuskan aylluq umallin: Pedaiaspa churin Joel.

²¹Galaadpi Manasespa hukkaq kuskan aylluq umallin: Zacariaspa churin Iddo. Benjamín aylluq umallin: Abnerpa churin Jaasiel.

²²Dan aylluq umallintaq: Jerohampa churin Azareel. Chaykunan karqan Israel ayllukunaq umallinkuna.

²³Señor Diosmi Davidta nisqa: Israel runakunataqa ch'askata hinaraqmi mirachisaq, nispa, chaymi Davidqa mana yuparqanchu manaraq iskay chunka watayoq runakunataqa.

²⁴Sarviaq churin Joabmi runa yupayta qallarirqan, ichaqa manan tukurqanchu. Chay runa yupay hawan Señor Diosqa Israel contra phiñakurqan, chaymi rey Davidpa Willakuy Qelqanpi mana qelqasqachu karqan hayk'achus yupasqa kasqan.

²⁵Adielpa churin Azmavetmi reypa illan waqaychana wasinkunata qhawarqan, Uziaspa churin Jonatantaq campopi, llaqtakunapi, huch'uy llaqtachakunapi, pukarakunapi waqaychana wasikunata qhawarqan.

²⁶Campopi chakra llank'aq runakunatataq kamachirqan Quelubpa churin Ezri.

²⁷Uvas chakra tukuy llank'aykunapin umalli karqan Ramá llaqtayoq Simei. Vino waqaychana wasikuna umallitaq karqan Zif llaqtayoq Zabdi.

²⁸Olivos sach'akunata Shefela moqo-moqopi k'ita higos sach'akunata tukuy llank'aypi umallitaq karqan Geder llaqtayoq Baal-hanán. Olivo aceite waqaychana wasikuna umallitaq karqan Joás.

²⁹Sharón pampapi uywa michiqkunata kamachirqan Sharón llaqtayoq Sitrai. Wayq'okunapi kashaq uywa michiqkunatataq kamachirqan Adlaipa churin Safat.

³⁰Camello michiqkunatan kamachirqan Ismael runa Obil. Asno michiqkunatataq kamachirqan Meronot llaqtayoq Jehedías.

³¹Ovejatapas cabratapas michiqkunatan kamachirqan Hagare runa Jaziz. Llapan chaykunan rey Davidpa kaqninkunapi kamachikuqkuna karqan.

³²Davidpa tion Jonatanmi karqan yachaysapa yuyaychaqpas qelqaqpas. Paymi Hacmoniq churin Jehielpiwan reypa churinkunata yachachirqan.

³³Ahitofelqa reypa yuyaychaqninmi karqan. Arqui runa Husataq reypa amigon karqan.

³⁴Ahitofelpa wañukapusqan qhepatataq reyta yuyaycharqan Benaiaq churin Joiada, Abiatarpiwan. Joabtaq reypa ejerciton umalli karqan.