Read DIOSPA QHELQACHISQ Quechua ESDRAS 10 Bible Online

ESDRAS 10 - DIOSPA QHELQACHISQ Quechua bible

ESDRAS 10

¹Esdrasqa Diospa wasin qayllapi qonqoriykukuspa, waqayninwan mañakuspa huchankuta willakushaqtinmi, askha Israel runakuna, warmikuna, qharikuna, wawakunapiwan payman huñuykukurqanku, hinaspan khuyayta waqaykullarqankutaq.

²Hinan Elampa mirayninmanta Jehielpa churin Secaniasqa Esdrasta nirqan: — Diosninchis contran huchallikurqayku mana chaninta ruwaspa, mana judío warmikunawan casarakuspa. Chaywanpas Israelpaqqa suyakuy kashanraqmi.

³Kunanqa Diosninchiswan rimanakusun. Llapan mana judío warmikunata paykunamanta naceq wawakunatapas wikch'upusunchis. Qanpapas, Diospa siminta manchakuqkunaqpas yuyaychawasqaykikuta ruwasaqkun, Diospa kamachikusqan simitapas hunt'asaqkun.

⁴Sayariy, qanpa ruwanaykin kayqa, ñoqaykutaq yanapasqaykiku. Kallpachakuy, ruwallayña, nispa.

⁵Chaymi Esdrasqa sayarispa umalli sacerdotekunata, Leví runakunata, llapan Israel runakunatawan jurachirqan nisqankuman hina ruwanankupaq. Hinan paykunaqa jurarqanku.

⁶Esdrastaq Dios yupaychana wasimanta lloqsispa Eliasibpa churin Johananpa wasinman ripurqan, chaypi tutantin qhepakuspataq mana mikhurqanpaschu, ukyarqanpaschu, kamachi-kaymanta kutimpuqkunaq huchankumanta llakikuspa.

⁷Chaymantataq Judá suyuntinpi, Jerusalenpipas willachirqan llapan kamachi-kaymanta kutimpuqkuna Jerusalenpi huñukunankupaq.

⁸Hinallataq willachirqan kinsa p'unchay ukhupi mana chayamuqqa, kamachiqkunaq kurak runakunaq yuyaykusqanman hina llapan hallp'an qechusqa kananta, kutimpuqkunaq huñukuyninmantapas qarqosqa kanantawan.

⁹Chaymi Judamanta Benjaminmantawan llapan runakuna Jerusalenpi kinsa p'unchay ukhupi huñuykukurqanku, isqonkaq killa iskay chunka p'unchaypin Diospa wasin qaylla plazapi llapan runa tiyarqan, chay huchamanta para chayashasqanmantawan khatatataspa.

¹⁰Hinan sacerdote Esdrasqa sayarispa nirqan: — Qankunaqa mana judío warmikunawan casarakuspaykichismi huchallikunkichis, Israelpa huchanman astawan yapaykuspa.

¹¹Kunanqa taytaykichispa Diosnin Señorpa qayllanpi huchaykichista reqsikuychis, munaynintataq ruwaychis. Kay suyu runakunamantapas, mana judío warmikunamantapas t'aqakuychis, nispa.

¹²Chaymi llapan huñuykusqa runakuna alto kunkawan kutichirqanku: — ¡Arí! ¡Nisqaykita hinan ruwasaqku!

¹³Ichaqa askhan kayku, parapas chayashallantaq, chaymi hawapiqa mana qhepakuykumanchu. Askhan kay hucha ruwaqqa kayku, manan huk p'unchaypipas iskay p'unchaypipas tukusunmanchu.

¹⁴Aswanpas umalli runakuna llapaykuq rantiykupi qhepakuchun. Hinaspa llaqtanchiskunapi mana judío warmikunawan casarakuqkuna waqyachisqaman hina hamuchunku kurak runakunawan llaqta juezkunawan kuska. Chay hinapi Diosninchispa phiñakuyninta thasnusunchis, nispa.

¹⁵Asaelpa churin Jonatanpiwan Ticvaq churin Jahaziasllapiwanmi ichaqa chayta mana munarqankuchu, paykunatataq q'emiykurqan Mesulampiwan Leví runa Sabetaipiwan.

¹⁶Kamachi-kaymanta kutimpuqkunaqa chay yuyaykusqankuman hinan ruwarqanku. Chaymantataq sacerdote Esdrasqa akllarqan wakin ayllu umalli runakunata, paykunatan sutinkumantakama churarqan. Hinan chay umalli runakunaqa tiyaykuspa t'aqwiyta qallarirqanku chunkakaq killa qallariy p'unchaypi.

¹⁷Chaymi llapan mana judío warmikunawan casarakuqkunata t'aqwiyta tukurqanku ñawpaqkaq killa qallariy p'unchaypi.

¹⁸Sacerdotekunamanta mana judío warmikunawan casarakuqkunan kaykuna karqan: Josadacpa churin Jesuaq mirayninmanta, Jesuaq wawqenkunaq mirayninmanta: Maasías, Eliezer, Jarib, Gedaliaspiwan.

¹⁹Paykunan cheqaqta prometekurqanku warminkuta wikch'upunankupaq, hinaspan huk borregota huchallikusqankumanta sacrificiota haywarqanku.

²⁰Imerpa mirayninmanta: Hanani, Zebadiaspiwan.

²¹Harimpa mirayninmanta: Maasías, Elías, Semías, Jehiel, Uziaspiwan.

²²Pasurpa mirayninmanta: Elioenai, Maasías, Ismael, Natanael, Jozabad, Elasapiwan.

²³Leví runakunaq mirayninmanta: Jozabad, Simei, Kelita nisqa Kelaía, Petaías, Judá, Eliezerpiwan.

²⁴Takiqkunamanta: Eliasib. Punku qhawaqkunamanta: Salum, Telem, Uripiwan.

²⁵Wakin Israel runakunamanta: Parospa mirayninmanta: Ramía, Jezías, Malquías, Mijamín, Eleazar, Malquías, Benaiapiwan.

²⁶Elampa mirayninmanta: Matanías, Zacarías, Jehiel, Abdi, Jeremot, Eliaspiwan.

²⁷Zatuq mirayninmanta: Elioenai, Eliasib, Matanías, Jeremot, Zabad, Azizapiwan.

²⁸Bebaipa mirayninmanta: Johanán, Hananías, Zabai, Atlaipiwan.

²⁹Baniq mirayninmanta: Mesulam, Maluc, Adaía, Jasub, Seal, Ramotpiwan.

³⁰Pahat-moabpa mirayninmanta: Adna, Quelal, Benaía, Maasías, Matanías, Bezaleel, Binúi, Manasespiwan.

³¹Harimpa mirayninmanta: Eliezer, Isías, Malquías, Semaías, Simeón,

³²Benjamín, Maluc, Semariaspiwan.

³³Hasumpa mirayninmanta: Matenai, Matata, Azabad, Elifelet, Jeremai, Manasés, Simeipiwan.

³⁴Baniq mirayninmanta: Madai, Amram, Uel,

³⁵Benaía, Bedías, Queluhi,

³⁶Vanías, Meremot, Eliasib,

³⁷Matanías, Matenai, Jaasaipiwan.

³⁸Binuiq mirayninmanta: Simei,

³⁹Selemías, Natán, Adaía,

⁴⁰Macnadebai, Sasai, Sarai,

⁴¹Azareel, Selemías, Semarías,

⁴²Salum, Amarías, Josepiwan.

⁴³Neboq mirayninmanta: Jeiel, Matatías, Zabad, Zebina, Jadau, Joel, Benaiapiwan.

⁴⁴Llapan chaykunan mana judío warmikunawan casarakusqaku, chaymi warminkuta wawankutapas wikch'upurqanku.