Read DIOSPA QHELQACHISQ Quechua NEHEMÍAS 12 Bible Online

NEHEMÍAS 12 - DIOSPA QHELQACHISQ Quechua bible

NEHEMÍAS 12

¹Salatielpa churin Zorobabelwan Jesuapiwan kutimuq sacerdotekunapas Leví runakunapas kaykunan karqan: Sacerdotekunamanta: Seraías, Jeremías, Esdras,

²Amarías, Maluc, Hatús,

³Secanías, Rehum, Meremot,

⁴Iddo, Gineto, Abías,

⁵Mijamín, Maadías, Bilga,

⁶Semaías, Joiarib, Jedaías,

⁷Salú, Amoc, Hilcías, Jedaiaspiwan. Chaykunan Jesuaq tiemponpi sacerdote-masinkunaq umallinkuna karqanku.

⁸Leví runakunamanta: Jesúa, Binúi, Cadmiel, Serebías, Judá, Mataniaspiwan. Mataniasmi Leví runa-masinkunapiwan yupaychay takikuna takichiq karqanku.

⁹Paykuna takishaqtinkutaq Bacbuquías, Uni, Leví runa-masinkunapiwan chimpankumanta takispa kutichimurqanku.

¹⁰Jesuan churiyarqan Joiacimta, Joiacimtaq churiyarqan Eliasibta, Eliasibtaq churiyarqan Joiadata,

¹¹Joiadataq churiyarqan Jonatanta, Jonatantaq churiyarqan Jaduata.

¹²Joiacimpa tiemponpi ayllu umalli runa sacerdotekunan kaykuna karqan: Seraiaspa ayllunmanta: Meraías, Jeremiaspa ayllunmanta: Hananías,

¹³Esdraspa ayllunmanta: Mesulam, Amariaspa ayllunmanta: Johanán,

¹⁴Melicupa ayllunmanta: Jonatán, Sebaniaspa ayllunmanta: José,

¹⁵Harimpa ayllunmanta: Adna, Meraiotpa ayllunmanta: Helcai,

¹⁶Iddoq ayllunmanta: Zacarías, Ginetonpa ayllunmanta: Mesulam,

¹⁷Abiaspa ayllunmanta: Zicri, Miniaminpa[2] ayllunmanta: …, Moadispa ayllunmanta: Piltai,

¹⁸Bilgaq ayllunmanta: Samúa, Semaiaspa ayllunmanta: Jonatán,

¹⁹Joiaribpa ayllunmanta: Matenai, Jedaiaspa ayllunmanta: Uzi,

²⁰Salaipa ayllunmanta: Calai, Amocpa ayllunmanta: Eber,

²¹Hilciaspa ayllunmanta: Hasabías, Jedaiaspa ayllunmantataq: Natanael.

²²Leví ayllu umalli runakunaq sacerdote ayllu umalli runakunaq sutinkun qelqasqa karqan Eliasibpa, Joiadaq, Johananpa, Jaduaq kawsasqanku p'unchaykamalla. Chay suti qelqayqa Persia suyu rey Darío kamachikunankamallan karqan.

²³Leví ayllu umalli runakunaq sutinkunataq qelqasqa karqan Eliasibpa nieton Johananpa kawsasqan p'unchaykamalla.

²⁴Leví ayllu umalli runakunataq karqan: Hasabías, Serebías, Jesúa, Binúi, Cadmielpiwan. Leví runa-masinkunataq paykunaq chimpanpi karqanku yupaychanankupaq Señor Diosman graciasta qonankupaq, tupaqnin t'aqapi takispanku, Dios sonqo runa Davidpa kamachikusqanman hina.

²⁵Matanías, Bacbuquías, Obadías, Mesulam, Talmín, Acubpiwanmi punku qhawaqkuna karqan, hinallataq punku qaylla taqe wasikunatapas qhawarqanku.

²⁶Paykunan servirqanku Josadacpa churin Jesuaq churin Joiacimpas kamachikuq Nehemiaspas hamawt'a sacerdote Esdraspas kawsashaqtinku.

²⁷Jerusalén perqata Diosman sapaqchananku p'unchay chayamuqtintaq, Leví runakunata maskharqanku tukuy tiyasqanku cheqaskunapi. Hinaspa Jerusalenman pusarqanku perqa sapaqchaypi ancha kusisqa yupaychaykunata takiykunata takinankupaq, platillota, arpakunata tocanankupaq.

²⁸Leví runakunamanta takiqkunan huñukamurqanku Jerusalén muyuriq llaqtachakunamanta, Netofa muyuriq llaqtachakunamanta,

²⁹Bet-gilgal llaqtamanta, Geba llaqtamanta Azmavet llaqtamantawan, paykunan Jerusalén muyuriqpi llaqtachakunata ruwakurqanku.

³⁰Chaymantataq sacerdotekunapas Leví runakunapas, ch'uyanchakurqanku, ch'uyanchallarqankutaq runakunatapas, punkukunatapas, perqatapas.

³¹Hinamantataq Judá umallikunata perqa pataman seqanankupaq kamachirqani, takiqkunatataq iskay hatun t'aqata churarqani, Diosman graciasta qonankupaq muyuriq perqa patapi purinankupaqwan. Huk t'aqan paña lado Q'opa Hich'ana Punku cheqasman rirqan.

³²Qhepankutataq rirqanku Osaías, Judá kuskan umallikuna,

³³Azarías, Esdras, Mesulam,

³⁴Judá, Benjamín, Semaías, Jeremiaspiwan.

³⁵Sacerdotekunamantataq cornetata tocaspa riysirqan Jonatanpa churin Zacarías, paypa ñawpa taytankunan karqan: Semaías, Matanías, Micaías, Zacur, Asafpiwan.

³⁶Hinallataq wawqenkunapas Semaías, Azarael, Milalai, Maai, Natanael, Judá, Hananipiwan riysirqanku, Dios sonqo runa Davidpa tocanankunata tocaspa. Hamawt'a Esdrastaq ñawpaqenkuta rirqan.

³⁷Unu Pukyu Punkuman chayaspataq uraykurqanku, hinaspa Davidpa Llaqtanman pata-patata seqarqanku. Davidpa wasin cheqasta pasaspankutaq, Unu Punku cheqas perqaman chayarqanku, chaymi llaqta inti lloqsimuy cheqaspi karqan.

³⁸Hukkaq t'aqañataq lloq'e ladonta rirqanku, ñoqataq qhepankuta rirqani Judá kuskan umallikunapiwan. Hornokunaq Torren nisqamanta Ancho Perqakama rispayku

³⁹pasarqayku Efraín Punkuta, Ñawpa Punkuta, Challwa Punkuta, Hananeel Torre nisqata, Pachak Runaq Torren nisqatawan. Hinaspa Oveja Punkuman chayarqayku, chaymantataq Guardia Punkupi sayaykurqayku.

⁴⁰Chaymantan iskaynin takiq t'aqakuna Diospa wasinpi sayarqanku, ñoqapas umallikunapiwan kuska.

⁴¹Kay sacerdotekunan cornetata tocaspa chaypi kasharqanku: Eliacim, Maaseías, Miniamín, Micaías, Elioenai, Zacarías, Hananiaspiwan.

⁴²Kashallarqankutaq Maasías, Semaías, Eleazar, Uzi, Johanán, Malquías, Elam, Ezerpiwan. Takiqkunataq Izrahiaspa takichisqan takiykurqanku.

⁴³Chay p'unchaypin askha sacrificiota haywarqanku, runakunataq anchata kusikurqanku paykunata Dios kusichisqanrayku. Warmikunapas wawakunapas ancha kusisqallañan kasharqanku, chaymi Jerusalenpi q'ochukusqanku karumanraq uyarikurqan.

⁴⁴Judá runakunan ancha kusisqa karqanku sacerdotekunaq Leví runakunaq llank'ashasqankumanta. Chay p'unchaypitaq runakunata akllarqanku Diospa wasinpi taqekunata waqaychanankupaq. Chay taqemanmi apaqku qokuykunata, rurukunamanta ñawinninta, diezmokunatawan. Akllasqa runakunaqa sapanka llaqta chakrakunamanta qonankuta sacerdotekunapaq Leví runakunapaq, Diospa kamachikuyninman hina huñurqanku.

⁴⁵Sacerdotekuna, Leví runakuna, takiqkuna, punku qhawaqkuna Diosta yupaychanapaq huñukuqku, hinallataq ch'uyanchakuy ruwaytapas hunt'aqku, Davidpapas churin Salomonpapas kamachikusqanman hina.

⁴⁶Ñawpaqñan Davidpa tiemponpipas Asafpa tiemponpipas kasqa takichiqkuna, yupaychay takikuna, Diosman gracias-qoy takikunapiwan.

⁴⁷Hinallataq Zorobabelpa tiemponpipas Nehemiaspa tiemponpipas llapallan Israel runakuna takiqkunaman punku qhawaqkunaman sapa p'unchay mikhunata qorqanku. Paykunan Leví runakunaq tupaqninta Leví runakunaman qorqanku, Leví runakunataq Aaronpa mirayninpa tupaqninta Aaronpa mirayninman qorqanku.