Read DIOSPA QHELQACHISQ Quechua SALMOS 136 Bible Online

SALMOS 136 - DIOSPA QHELQACHISQ Quechua bible

SALMOS 136

¹Señor Diosta agradecekuychis, payqa allinmi, khuyapayakuyninqa wiñaypaqmi.

²Dioskunaq Diosninta agradecekuychis, khuyapayakuyninqa wiñaypaqmi.

³Apukunaq Apunta agradecekuychis, khuyapayakuyninqa wiñaypaqmi.

⁴Payllan hatuchachaq musphanakunata ruwan, khuyapayakuyninqa wiñaypaqmi.

⁵Paymi yachayninwan hanaq pachata ruwarqan, khuyapayakuyninqa wiñaypaqmi.

⁶Paymi unu pataman hallp'ata mast'arirqan, khuyapayakuyninqa wiñaypaqmi.

⁷Paymi intita killata ruwarqan, khuyapayakuyninqa wiñaypaqmi.

⁸Intitan p'unchay k'anchananpaq ruwarqan, khuyapayakuyninqa wiñaypaqmi.

⁹Killatan ch'askakunatan tuta k'anchananpaq ruwarqan, khuyapayakuyninqa wiñaypaqmi.

¹⁰Paymi Egipto suyupi phiwi churikunata wañuchirqan, khuyapayakuyninqa wiñaypaqmi.

¹¹Paymi Egiptomanta Israel runakunata horqomurqan, khuyapayakuyninqa wiñaypaqmi.

¹²Kallpasapa makinta haywarispan horqomurqan, khuyapayakuyninqa wiñaypaqmi.

¹³Paymi Puka Lamar-qochata iskayman t'aqarqan, khuyapayakuyninqa wiñaypaqmi.

¹⁴Chay ukhuntan Israel llaqtata chimpachimurqan, khuyapayakuyninqa wiñaypaqmi.

¹⁵Faraontataq soldadonkunatawan Puka Lamar-qochawan millp'uchirqan, khuyapayakuyninqa wiñaypaqmi.

¹⁶Paymi ch'in pampanta llaqtanta pusarqan, khuyapayakuyninqa wiñaypaqmi.

¹⁷Paymi hatun reykunata wañuchirqan, khuyapayakuyninqa wiñaypaqmi.

¹⁸Atiyniyoq reykunatan wañuchirqan, khuyapayakuyninqa wiñaypaqmi.

¹⁹Amor suyu rey Sehontan wañuchirqan, khuyapayakuyninqa wiñaypaqmi.

²⁰Basán suyu rey Ogtan wañuchirqan, khuyapayakuyninqa wiñaypaqmi.

²¹Paymi chay reykunaq hallp'anta llaqtanman herenciata rakirqan, khuyapayakuyninqa wiñaypaqmi.

²²Kamachin Israelmanmi chayta qorqan herencian kapunanpaq, khuyapayakuyninqa wiñaypaqmi.

²³Paymi llakiq ñit'isqan kashaqtinchis yuyarikuwarqanchis, khuyapayakuyninqa wiñaypaqmi.

²⁴Paymi awqanchiskunamanta kacharichiwarqanchis, khuyapayakuyninqa wiñaypaqmi.

²⁵Paymi runakunamanpas animalkunamanpas mikhuchin, khuyapayakuyninqa wiñaypaqmi.

²⁶Hanaq pacha Diosta agradecekuychis, khuyapayakuyninqa wiñaypaqmi.