Read DIOSPA QHELQACHISQ Quechua PROVERBIOS 19 Bible Online

PROVERBIOS 19 - DIOSPA QHELQACHISQ Quechua bible

PROVERBIOS 19

¹Aswan allinqa chaninta puriq wakcha runan qhelli simi rimaq mana yuyayniyoqmantaqa.

²Mana allinta reparaspa afanakuyqa manan allinchu, sinchita apurakuqqa pantanmi.

³Runaq mana yuyayniyoq-kayninqa pay kikintan waqllichin, Señor Dios contraraqtaq phiñakun.

⁴Qhapaqqa askha amigotan tarin, wakcha runan ichaqa amigonpa saqerparisqan rikukun.

⁵Llulla testigoqa muchuchisqapunin kanqa, llullakuqpas manan ayqenqachu.

⁶Sumaq sonqo runataqa askhan llunk'upayanku, qoykukuq runawanqa lliwllan amigota ruwanku.

⁷Wakcha runataqa wawqenkunapiwanpas cheqnikuntaq chayqa, amigonkunaqa astawanraqmi paymanta karunchakapunqa, valepakushanqaña chaypas manan tarinqachu.

⁸Allin yuyayta tariqqa pay kikintan munakun, allin yuyayta hap'iqqa allillanpunin kanqa.

⁹Llulla testigoqa muchuchisqapunin kanqa, llullakuqqa wañunqan.

¹⁰Mana yuyayniyoqpaqqa manan qhapaq hina kawsanan tupanchu, manallataqmi kamachi runapaqqa umalli runakunata kamachinanpas tupanchu.

¹¹Runaq allin yuyayniyoq-kayninqa phiñakuytan hark'an, k'amiqninta hinallata qhawaqqa hatunchasqan kanqa.

¹²Leonpa qaparisqan hinan reypa phiñakusqanqa, reypa sumaq qhawarisqanmi ichaqa q'achu patapi sulla hina.

¹³Mana yuyayniyoq churiqa taytantan llakiman q'epiykun, qaparkachaq warmiqa sut'uylla-sut'uq unu hinan.

¹⁴Wasitapas qhapaq kaykunatapas tayta-mamamantan chaskinku, allin yuyayniyoq warmin ichaqa Señor Diospa qosqan.

¹⁵Qella-kayqa misk'itan puñuchikun, qella runapas yarqaytan muchun.

¹⁶Kamachisqa simita hunt'aqqa kawsaynintan waqaychan, Señor Diospa yachachikuyninta pisichaqmi ichaqa wañunqa.

¹⁷Wakcha runaman manuyqa Señor Diosman manuymi, Señor Diosmi manusqantaqa kutichipunqa.

¹⁸Churiykita wanachiy tiempo kashaqtinraq, ama wañunanta munaychu.

¹⁹Phiñakuylla-phiñakuqqa imachus chaskinantan chaskinan, yanapaykunkiña chaypas aswan mana allinmi kanqa.

²⁰Kunaykusqata uyarikuy, wanaykuchisqatapas hap'ikuy, chay hinapin yachayniyoq kapunki.

²¹Imaymana yuyaykusqakunan runaq sonqonpiqa kan, ichaqa Señor Diospa yuyaykusqallanmi hunt'akun.

²²Runamantaqa suyakunchis, khuyapayakuq kaynintan. Aswan allinqa wakcha runan, llulla runamantaqa.

²³Señor Diosta manchakuyqa kawsanapaqmi, chay manchakuywanmi runaqa kusisqa kawsan, manan ima mana allinpas chayanchu.

²⁴Qellaqa p'ukumanmi makinta challpuykun, manataqmi chaytaqa siminmanpas aypachinchu.

²⁵K'ankaykachaqta hasut'iy, hinan pisi yuyayniyoqqa yuyayniyoq-kayta yachanqa, allin reparaq runata anyaykuy, yachaytan aypanqa.

²⁶Taytanta suwaqpas, mamanta qarqoqpas, millay p'enqayta ruwaq churin.

²⁷Churilláy, yachachikuyniykunatachus mana uyariq tukupunki chayqa, allin yachayniyoq simikunamantan karunchakapunki.

²⁸Waqllisqa testigoqa chaninchaymantan asikun, millay runakunapaqqa mana allinkaqmi sumaq mikhuna hina.

²⁹Soq'anakunan uma hoqariqkunapaq wakichisqa kashan, hasut'ikunataq mana yuyayniyoqkunaq wasanpaq kashan.