Read DIOSPA QHELQACHISQ Quechua PROVERBIOS 4 Bible Online

PROVERBIOS 4 - DIOSPA QHELQACHISQ Quechua bible

PROVERBIOS 4

¹Wawaykuna, taytaykichispa yachachisqasuykichista uyariychis, allin yuyayniyoq kanaykichispaq maki uyariychis.

²Ñoqan allin yachachikuyta yachachiykichis, chaytaqa ama wikch'urpariychischu.

³Ñoqapas taytayoq churin karqani, mamaypa munakusqan sapallan wawan.

⁴Taytaymi yachachiwaspa niwaq: Rimasqaykunata sonqoykipi hap'iy, kamachikusqaykunata hunt'ay, chaymi kawsanki.

⁵Yachayta tariy, allin reparayta tariy, rimasqaykunataqa ama qonqapuychu, amallataq chaykunataqa wikch'uypaschu.

⁶Ama yachayta saqepuychu, payqa waqaychasunkin, yachayta munakuy, payqa amachasunkin.

⁷Yachayqa tukuy imamantapas ancha chaniyoqmi, chayrayku tariy, tukuy ima hayk'a kaqniykimantapas allin yuyaytaraq tariy.

⁸Chayta munakuy, paypas hatunchallasunkitaqmi, chayman sonqollikuy, paypas allinpaqmi hap'ichisunki.

⁹Munay t'ika pilluta hinan umaykiman churaykusunki, munayllaña coronatan qosunki, nispa.

¹⁰Churilláy, uyariway, simiykunata chaskiy, askha watakunata kawsanaykipaq.

¹¹Yachay ñannintan pusarqayki, cheqan ñannintan thaskichirqayki.

¹²Purispaykiqa manan rank'ukunkichu, phawaspaykipas manan misk'akunkichu.

¹³Yachachisqa simiman k'askakuy, ama kachariychu, chayman hina ruway, chayqa kawsayniykin.

¹⁴Ama waqllisqakunaq ñannintaqa puriychu, ama millaykunaq purisqanta hinaqa puriychu,

¹⁵karunchakuy, ama chayninta puriychu, chaymanta anchhuriy, pasarparillay.

¹⁶Manan paykunaqa puñunkuchu mana allinkaqta mana ruwaspaqa, paykunataqa manan puñuypas aysanchu pitapas mana urmaykuchispaqa.

¹⁷Paykunapaqqa mana chanin ruwaymi t'anta mikhuy hina, runakunata maqaspa qechuymi vino ukyay hina.

¹⁸Chaninkunaq puriyninqa pacha illarimuy k'anchay hinan, allinta p'unchayamuqtin aswan-aswanta k'anchariq hinan.

¹⁹Mana chaninkunaq puriyninmi ichaqa laqhayaq hina, manataq yachankuchu imapichus misk'akusqankuta.

²⁰Churilláy, simiykunata kasukuy, rimasqaykunata maki uyariy.

²¹Ama qonqapuychu, chaykunata sonqoykipi waqaychay.

²²Chaykunata tariqpaqqa kawsaymi, cuerpontinpaqpas hampin.

²³Sonqoykitaqa allintapuni waqaychay, chaymantan imayna kawsaypas paqarimun.

²⁴Ama llullakuyta rimaychu, ama waqllisqata rimaychu.

²⁵Ñawpaqllatapuni qhaway, ñawiykikunaqa ñawpaqllatapuni qhawachun.

²⁶Purinaykita allinta tanteay, allillantapuni sarunaykipaq.

²⁷Ama pañamanpas lloq'emanpas pantaychu, ama mana allinpi puriychu.