Read DIOSPA QHELQACHISQ Quechua LEVÍTICO 17 Bible Online

LEVÍTICO 17 - DIOSPA QHELQACHISQ Quechua bible

LEVÍTICO 17

¹Señor Diosmi Moisesta nirqan:

²— Aarontapas, churinkunatapas, Israel llapa runakunatapas nimuy, kaymi Señor Diospa kamachikusqan:

³Mayqen Israel runapas karpa-karpapi otaq hawapi nak'anqa torotapas borregotapas cabratapas,

⁴manataq chayta apamuspa Dioswan Tupana Karpa punkumanchu apamunqa Señor Diosman haywananpaq chayqa, chay runan yawar hich'asqamanta huchachasqa kanqa. Yawarta hich'asqanraykun chay runaqa llaqtan ukhumanta qarqosqa kanqa.

⁵Kay kamachikuyqa campopi amaña uywakunata nak'anankupaqmi. Chay uywakunataqa sacerdotemanmi apamunqaku, hinaspan Dioswan Tupana Karpa punkupi nak'anqaku Señor Diosman sumaq kawsay sacrificiota haywanankupaq.

⁶Sacerdotetaqmi Dioswan Tupana Karpa punkupi kaq Señor Diospa altarninman yawarta hich'aykunqa, wiratataq ruphachinqa sumaq q'apaynin Señor Diospa sonqonman chayananpaq.

⁷Amañan hayk'aqpas sacrificasqankuta cabraman rikch'akuq idolokunaman haywanqakuchu, chaykunawanmi qhellichakushanku. Israel runakunaqa kay kamachikuy simitaqa wiñaypaqmi ruwanqaku, nispa.

⁸Paykunataqa nillankitaqmi: — Mayqen Israel runapas, otaq qankuna ukhupi tiyaq wak llaqtayoqpas ruphachina sacrificiotapas nak'asqatapas haywanqa,

⁹manataq chayta apamuspa Dioswan Tupana Karpa punkupichu haywanqa chayqa, chay runaqa llaqtanmanta qarqosqallataqmi kanqa.

¹⁰Mayqen Israel runapas, otaq qankuna ukhupi tiyaq wak llaqtayoqpas ima yawartapas mikhunqa chayqa, Señor Diosmi chay yawar mikhuq runaq awqan sayarinqa, hinaspan llaqtanmanta payta qarqonqa.

¹¹Kawsaqpa kawsayninqa yawarninpin kashan, Señor Diosmi chayta qosunkichis huchaykichista altar patapi pampachachinaykichispaq, chay yawarllataqmi huchataqa pampachachin.

¹²Chaymi ñoqa Señor Diosqa Israel runakunata nini: Aman mayqenniykichispas yawartaqa mikhunkichischu, aman qankuna ukhupi tiyaq wak llaqtayoqpas yawartaqa mikhunqachu, nispa.

¹³Mayqen Israel runapas otaq paykuna ukhupi tiyaq wak llaqtayoqpas mikhuna animalta otaq phalaq animaltapas hap'inqa chayqa, yawarnintan hich'anqa hinaspan hallp'awan pakanqa.

¹⁴Llapa kawsaqpa kawsayninqa yawarninpin kashan, chaymi ñoqa Señor Diosqa Israel runakunata kamachini: Aman ima animalpa yawarnintapas mikhunkichischu, llapa kawsaqpa kawsayninqa yawarninpi kasqanrayku. Pipas chayta mikhuqqa qarqosqan kanqa, nispa.

¹⁵Mayqen runapas, llaqtayoqpas wak llaqtayoqpas, wañusqa animalta otaq phiña animalpa llik'irqarisqanta mikhunqa chayqa, p'achankunatan t'aqsakunqa, unuwanmi bañakunqa, ch'isinkamataq qhelli kanqa, chaymantataq ch'uya kapunqa.

¹⁶Manataq chaykunata t'aqsakunqachu, cuerpontapas bañakunqachu chayqa, paymi huchayoq kanqa, nispa.