Read DIOSPA QHELQACHISQ Quechua JOSUÉ 16 Bible Online

JOSUÉ 16 - DIOSPA QHELQACHISQ Quechua bible

JOSUÉ 16

¹Josepa miraynin ayllukunaq sorteopi chaskisqanku hallp'ankuq qorpanmi qallarirqan Jericó pukyu-pukyu inti lloqsimuy lado Jordán mayu patamanta, chaymantataq ch'inneqninta pasarqan orqo-orqopi Betelkama,

²Betelmantataq Luzman, chaymantataq Arqui runakunaq tiyasqan Atarotkama.

³Chaymantataq inti haykuy ladoman rispa, Japlet runakunaq hallp'anta pasaspa, Ura Bet-horón qorpakama chayarqan. Gezerninta pasaspataq lamar-qocha pataman chayarqan.

⁴Chaykunan karqan Josepa miraynin ayllukunaq Manasespa Efrainpapiwan chaskisqanku hallp'a.

⁵Efraín aylluq mirayninpa hallp'ankuq inti lloqsimuy lado qorpantaq qallarirqan Atarot-adarmanta Wichay Bet-horonkama,

⁶chaymantataq mast'arikurqan lamar-qochakama. Wichay ladopi qorpantaq karqan Micmetatkamaraq, chaymantataq inti lloqsimuy ladoman aysakuspa Taanat-Siloman chayarqan. Chaymantataq Janoanta pasaspa,

⁷Atarotman Naaratmanwan uraykurqan. Chaymantapas Jericoman yaqa chayaspa Jordán mayuman haykupurqan.

⁸Tapuamantataq qorpaqa aysakurqan inti haykuy lado Caná mayukama, mayu patantakamataq lamar-qochaman chayarqan. Chaykunan karqan Efraín aylluq mirayninkunaman qosqa hallp'akuna.

⁹Kallarqantaqmi Manasés aylluq hallp'an ukhupi huk llaqtakuna aylluntinkama Efraín ayllupaq t'aqasqa.

¹⁰Efraín ayllun ichaqa Gezerpi tiyaq Canaán runakunata mana qarqorqankuchu, aswanmi hinallata paykuna ukhupi tiyachirqanku mit'animanta llank'achispa. Hinan Canaán runakunaqa chayllapipuni tiyakapurqanku.