Read DIOSPA QHELQACHISQ Quechua JOSUÉ 19 Bible Online

JOSUÉ 19 - DIOSPA QHELQACHISQ Quechua bible

JOSUÉ 19

¹Iskaykaq sorteasqa hallp'ataq Simeón aylluman mirayninkunaman hina qosqa karqan, chaytaqmi Judá aylluq hallp'an chawpipi karqan.

²Chaypin kay llaqtakuna karqan: Beerseba, Seba, Molada,

³Hazar-sual, Bala, Ezem,

⁴Eltolad, Betul, Horma,

⁵Siclag, Bet-marcabot, Hazar-susa,

⁶Bet-lebaot, Saruhempiwan, llapanpin chunka kinsayoq llaqta ayllukunantin karqan.

⁷Kallarqantaq Aín, Rimón, Eter, Asanpiwan ayllukunantin,

⁸hinallataq lliw ayllukuna Neguevpi Ramat nisqa Baalat-beer llaqtakama. Chay hallp'akunan rakisqa karqan Simeón aylluman mirayninkunaman hina.

⁹Judá aylluq hallp'anqa sinchi hatunmi paykunapaq karqan, chaymi Judá hallp'amanta wakinta Simeón aylluman qorqanku.

¹⁰Kinsakaq sorteasqa hallp'ataq Zabulón aylluman mirayninkunaman hina qosqa karqan. Chaymi hallp'anqa Saridkama chayarqan.

¹¹Sarid llaqta inti haykuy ladopi qorpaqa Maralakaman aysakurqan, chaymantataq Dabesetman ayparqan, kaqllataq Jocneampa inti lloqsimuy ladopi mayumanpas.

¹²Sarid llaqta inti lloqsimuy ladopi qorpaqa Quislot-taborkama chayarqan, chaymantataq Daberatman rirqan, Daberatmantataq Jafiakama wicharqan.

¹³Chaymantapas qorpaqa aysakurqan inti lloqsimuy ladoman Gat-heferman Ita-cazinmanwan, Neanta muyumuspataq Rimonman chayarqan.

¹⁴Wichay lado qorpaqa muyumurqan Hanatonkama, chaymantataq wicharqan Jefte-el wayq'oman.

¹⁵Chay hallp'apin karqan Catat, Naalal, Simrón, Idala, Belén, huk llaqtakunapiwan, llapanpitaq chunka iskayniyoq llaqtakuna ayllukunantin karqan.

¹⁶Chay hallp'an llaqtakunantin lliw ayllukunantin ima Zabulón aylluman rakisqa karqan mirayninkunaman hina.

¹⁷Tawakaq sorteasqa hallp'ataq Isacar aylluman mirayninkunaman hina qosqa karqan.

¹⁸Chay hallp'api llaqtakunataq karqan: Jezreel, Quesulot, Sunem,

¹⁹Hafaraim, Sihón, Anaharat,

²⁰Rabit, Quisión, Abez,

²¹Remet, En-ganim, En-hada, Bet-pasespiwan.

²²Qorpataq ayparqan Taborman, Sahaziman, Bet-semesmanwan, Jordán mayupitaq tukukapurqan. Chaypitaq chunka soqtayoq llaqtakuna ayllukunantin karqan.

²³Chay hallp'an llaqtakunantin ayllukunantin Isacar aylluman rakisqa karqan mirayninkunaman hina.

²⁴Phisqakaq sorteasqa hallp'ataq Aser aylluman mirayninkunaman hina qosqa karqan.

²⁵Chay hallp'api llaqtakunataq karqan: Helcat, Halí, Betén, Acsaf,

²⁶Alamelec, Amad, Misealpiwan. Inti haykuy lado qorpaqa chayarqan Carmelo orqokama, Sihor-libnatakamapiwan.

²⁷Inti lloqsimuy lado qorpataq wichay ladoman Bet-dagonkama rirqan, Zabulón aylluq hallp'anman Jefte-el wayq'omanwan aypaspa. Chaymantataq Bet-emecninta Neielnintawan pasaspa Cabulman,

²⁸Hebronman, Rehobman, Hamonman, Canamanwan, Sidón hatun llaqtaman chayanankama.

²⁹Chaymantataq qorpaqa q'ewirimurqan Ramá cheqasman, allichaq kallpachasqa Tiro llaqta ladoman, chaymantataq Hosa ladonta rispa lamar-qochaman lloqsirqan. Mahalebwan, Aczibwan,

³⁰Umawan, Afecwan, Rehobpiwan yapakurqan iskay chunka iskayniyoq llaqtakuna llapa ayllukunantin.

³¹Chay hallp'an llaqtakunantin ayllukunantin Aser aylluman rakisqa karqan mirayninkunaman hina.

³²Soqtakaq sorteasqa hallp'ataq Neftalí aylluman mirayninkunaman hina qosqa karqan.

³³Qorpantaq Helefmanta, Saananimpi kaq encina sach'amantawan, Adami-necebninta, Jabneelnintawan, Lacumkama rispa Jordanman chayarqan.

³⁴Inti haykuy lado qorpañataq rirqan Aznot-taborninta, chaymantataq Hucocninta, chay hinapin uray lado qorpanqa karqan Zabulón aylluq hallp'anwan, inti haykuy lado qorpataq Aser aylluq hallp'anwan, inti lloqsimuy lado qorpantaq Jordán mayuwan karqan.

³⁵Chaypin allichaq kallpachasqa llaqtakuna karqan: Sidim, Zer, Hamat, Ragat, Cineret,

³⁶Adama, Ramá, Hazor,

³⁷Cedes, Edrei, En-hazor,

³⁸Irón, Migdal-el, Horem, Bet-amat, Bet-semespiwan. Llapanpitaq chunka isqonniyoq llaqtakuna ayllukunantin karqan.

³⁹Chay hallp'an llaqtakunantin ayllukunantin Neftalí aylluman rakisqa karqan mirayninkunaman hina.

⁴⁰Qanchiskaq sorteasqa hallp'ataq Dan aylluman mirayninkunaman hina qosqa karqan.

⁴¹Chay hallp'api llaqtakunataq karqan: Zera, Estaol, Ir-semes,

⁴²Saalabín, Ajalón, Jetla,

⁴³Elón, Timnat, Ecrón,

⁴⁴Elteque, Gibetón, Boalat,

⁴⁵Jehud, Bene-berac, Gat-rimón,

⁴⁶Mejarcón, Raconpiwan, chaymantapas Jope llaqtaq ñawpaqenpi kaq hallp'apiwan.

⁴⁷Chay hallp'a paykunaman mana aypaqtintaq, Dan ayllu runakunaqa rirqanku Lesem llaqtata phawaykuq. Hinaspan chaypi lliw tiyaqkunata wañurachispa, llaqtata hap'ikapuspa kikinpi tiyakapurqanku. Taytankuq sutin Dan sutiwantaq suticharqanku.

⁴⁸Chay hallp'an llaqtakunantin ayllukunantin Dan aylluman rakisqa karqan mirayninkunaman hina.

⁴⁹Hallp'a rakinakuyta tukuspankutaq Israel runakunaqa, hallp'anku chawpipi Josueman tupaqnin hallp'ata qorqanku.

⁵⁰Señor Diospa kamachikusqanman hinan Josueman mañakusqan hallp'ata qorqanku, Efraín orqo-orqopi Timnat-sera llaqtata. Hinan Josueqa wakmanta chay llaqtata perqachispa chaypi tiyakapurqan.

⁵¹Silopi Dios yupaychana karpaman haykunapin sacerdote Eleazarwan, Josuewan, llapan llaqta umalli runakunapiwan Señor Diospa ñawpaqenpi sorteaspa hallp'ata rakirqanku. Chay hinapin hallp'a rakiyta tukurqanku.