Read Da'a Kaili PANGGITA 4 Bible Online

PANGGITA 4 - Da'a Kaili bible

PANGGITA 4

¹Naopu etu aku nanggita pade kitamo, naria saongu pewobo nibea ri suruga. Pade niepeku suara pamulana to niepeku pani'a. Suara etu kamanggana ewa moni kololio. Nangulimo suara etu ka aku, “Peponemo wemai. Aku mompopokita ka iko nuapa to majadi banepiana.”

²Sampegoli aku nikuasai Nosa Nagasa nu Alatala pade ewa aku nariamo riara suruga. Ri setu aku nanggita saongu pekatoko magau, pade naria samba'a nekatoko ri bunggu pekatoko etu.

³To nekatoko ri setu lenjena damo neringgila ewa mata sinji to nosanga ka watu yaspis, pade ewa watu akik. Naria wo'u sampinoraa nantatiku pekatoko etu to neringgila ewa watu zamrud.

⁴Pade nantatiku pekatoko etu naria wo'u rompulu bo ampa pekatoko ntanina to nipekatoko rompulu bo patamba'a totu'a. Ira nompasua pakea bula sanggani pade ri balengga ira naria songgo bulawa.

⁵Nggari tatongo pekatoko magau etu nesuwu kila damo mparea newanta, pade nguu nu guntu damo nosinjono poguna. Ri ngayo pekatoko etu naria wo'u pituongu poindo najela. Poindo etu batuana papitu nosa nu Alatala. [14]

⁶Pade ri ngayo pekatoko etu naria wo'u sangele nikitaku ewa tasi to nalewayo mpu'u ewa kaca. Ri tatongona bo ri ntalili pekatoko etu naria patamba'a anu to natuwuna. Ri njumaongu koro ira naria mata, nabeloka ri ngayona nabeloka ri bengona.

⁷Anu to natuwuna pamulana lenjena ewa singa, pade karomba'ana lenjena ewa japi tuamana. Katolumba'ana lenjena ewa manusia, pade kapatamba'ana lenjena ewa lowe bete to nembua.

⁸Anu to natuwuna etu simbau aono kapina, pade ri njumaongu koro ira naria mata, nau ri wayo nu kapina. Eo wengi ira da'a nenonto nanguli, “Nagasa, nagasa, nagasa, Pue Alatala to Neliu Nggakuasa. I'a nariamo nggari lamba pamulana, pade we'i-we'i I'a naria. Pade I'a kana maria sampe ri kasae-saena.”

⁹Anu to natuwuna etu nantoiya bo nombabila bo nosukuru ri ja'i topekatoko ri pekatoko magau to natuwu sampe ri kasae-saena. Tempo ira nantoiya iwetu

¹⁰rompulu bo patamba'a totu'a etu nekadede sampe ri tana ri ngayo ntopekatoko etu. Ira nombasomba I'a to natuwu sampe ri kasae-saena, pade ira nangala songgo bulawa nggari balengga ira mboto nitu'u ira ri ngayo pekatoko Alatala ewa tandai pebila ira ri ja'ina. Pade niuli ira iwe'i:

¹¹“O, Alatala, Pue kami, aga Komi to masipato ratoiya bo rabila kami, aga Komimo to nakuasana. Sabana Komimo to nompajadi pura-pura to naria. Nggari dotamu mboto sampe pura-pura etu najadi bo naria.”