Read Dagbani Piligu 5 Bible Online

Piligu 5 - Dagbani bible

Piligu 5

¹ Adam zuliya yuya n-sab’ kpe ŋɔ. Naawuni ni daa nam ninsala, o daa nam’ o ŋ-ŋmahindila omaŋa.

²O daa nam ba la doo mini paɣa. Ka niŋ alibarika niŋ bɛ ni ka boli ba ninsalinima saha shɛl’ o ni daa nam ba maa.

³Adam ni daa ti paai yuun’ kɔbiga ni pihita saha shɛli ka o daa dɔɣi bidibiga ŋun ŋman’ o m-bol’ o yuli Sɛt.

⁴Adam ni daa dɔɣi Sɛt maa nyaaŋa, o daa niŋla yuun’ kɔbisinii. O daa lan dɔɣi bidibisi mini bipuɣinsi pahi.

⁵Adam daa niŋla yuun’ kɔbisiwɛi ni pihita, ka naanyi yi dunia yili.

⁶Sɛt ni daa ti paai yuun’ kɔbiga ni anu saha shɛli ka o daa dɔɣi Ɛnɔsh.

⁷Sɛt ni daa dɔɣi Ɛnɔsh maa nyaaŋa, o daa niŋla yuun’ kɔbisinii ni ayopɔin. O daa lan dɔɣi bidibisi mini bipuɣinsi pahi.

⁸Sɛt daa niŋla yuun’ kɔbisiwɛi ni pinaayi, ka naanyi yi dunia yili.

⁹Ɛnɔsh ni daa ti paai yuun’ pihiwɛi saha shɛli ka o daa dɔɣi Kɛnan.

¹⁰Ɛnɔsh ni daa dɔɣi Kɛnan maa nyaaŋa, o daa niŋla yuun’ kɔbisinii ni pinaanu. O daa lan dɔɣi bidibisi mini bipuɣinsi pahi.

¹¹Ɛnɔsh daa niŋla yuun’ kɔbisiwɛi ni anu, ka naanyi yi dunia yili.

¹²Kɛnan ni daa ti paai yuun’ pisopɔin saha shɛli ka o daa dɔɣi Mahalalɛl.

¹³Kɛnan ni daa dɔɣi Mahalalɛl maa nyaaŋa, o daa niŋla yuun’ kɔbisinii ni pihinahi. O daa lan dɔɣi bidibisi mini bipuɣinsi pahi.

¹⁴Kɛnan daa niŋla yuun’ kɔbisiwɛi ni pia ka naanyi yi dunia yili.

¹⁵Mahalalɛl ni daa ti paai yuun’ pihiyɔbunaanu saha shɛli ka o daa dɔɣi Jarɛd.

¹⁶Mahalalɛl ni daa dɔɣi Jarɛd maa nyaaŋa, o daa niŋla yuun’ kɔbisinii ni pihita. O daa lan dɔɣi bidibisi mini bipuɣinsi pahi.

¹⁷Mahalalɛl daa niŋla yuun’ kɔbisinii ni pihiwɛinaanu, ka naanyi yi dunia yili.

¹⁸Jarɛd ni daa ti paai yuun’ kɔbiga ni pihiyɔbunaayi saha shɛli ka o daa dɔɣi Inok.

¹⁹Jarɛd ni daa dɔɣi Inok maa nyaaŋa, o daa niŋla yuun’ kɔbisinii. O daa lan dɔɣi bidibisi mini bipuɣinsi pahi.

²⁰Jarɛd daa niŋla yuun’ kɔbisiwɛi ni pihiyɔbunaayi, ka naanyi yi dunia yili.

²¹Inok ni daa ti paai yuun’ pihiyɔbunaanu saha shɛli ka o daa dɔɣi Mɛtusɛla.

²²Inok ni daa dɔɣi Mɛtusɛla maa nyaaŋa, o daa jɛmdi Naawuni viɛnyɛliŋga hal ti paai yuun’ kɔbisita. O daa lan dɔɣi bidibisi mini bipuɣinsi pahi.

²³Inok daa niŋla yuun’ kɔbisita ni pihiyɔbunaanu.

²⁴ Inok daa jɛmdi Naawuni viɛnyɛliŋga, ka so daa ti bi lan nya o, dama Naawuni n-daa kpuɣ’ o.

²⁵Mɛtusɛla ni daa paai yuun’ kɔbiga ni pihiniinaayopɔin saha shɛli ka o daa dɔɣi Lamɛk.

²⁶Mɛtusɛla ni daa dɔɣi Lamɛk maa nyaaŋa, o daa niŋla yuun’ kɔbisiyopɔin ni pihiniinaayi. O daa lan dɔɣi bidibisi mini bipuɣinsi pahi.

²⁷Mɛtusɛla daa niŋla yuun’ kɔbisiwɛi ni pisopɔinyinika, ka naanyi yi dunia yili.

²⁸Lamɛk ni daa ti paai yuun’ kɔbiga ni pihiniinaayi saha shɛli ka o daa dɔɣi bidibiga

²⁹m-bol’ o yuli Nuhu[7] ka yɛli, “Bia ŋɔ ni sɔŋ ti ti tuun’ kpɛma tumbu ni, Yawɛ ni yɛli noli niŋ tiŋgban’ shɛli ŋɔ ni.”

³⁰Lamɛk ni daa dɔɣi Nuhu maa nyaaŋa, o daa niŋla yuun’ kɔbisinu ni pihiwɛinaanu, ka lan dɔɣi bidibisi mini bipuɣinsi pahi.

³¹Lamɛk daa niŋla yuun’ kɔbisiyopɔin ni pisopɔinnaayopɔin ka naanyi yi dunia yili.

³²Nuhu gba ni daa ti paai yuun’ kɔbisinu saha shɛli ka o daa dɔɣi Shɛm mini Ham ni Jafɛt.