Read Dagbani 2 Samuɛl 4 Bible Online

2 Samuɛl 4 - Dagbani bible

2 Samuɛl 4

¹Sool bia Ishibɔshɛt ni daa wum ni bɛ ku Nɛr bia Abinɛr la Hiburɔn, o kɔba ni daa chɔɣisimi, ka Izraɛlnim’ zaa suhuri zɔhira.

²Sool bia maa daa malila niriba ayi bɛn nyɛ o ŋmɛnditoya zuɣulaannima. Bɛ ni yino yuli n-daa booni Baana, ka ŋun’ la mi yuli booni Rɛkab. Bɛ daa nyɛla Rimɔn ŋun daa nyɛ Bɛnjamin zuliya nira, ka yi Bɛrɔt la na bihi. (Dama bɛ daa saɣiya ni Bɛrɔt gba nyɛla Bɛnjamin zuliya niriba tiŋgban’ ni tiŋa.

³Bɛrɔtnim’ maa daa zo n-chaŋla Giteem nti ʒini nimaani hal ni zuŋɔ dabisili ŋɔ.)

⁴ Sool bia Jɔnatan daa mali bidibiga ka o nyɛ wɔbiga. Bia maa yuma anu saha ka lahibali daa yi Jɛziriil na ni Sool mini Jɔnatan kpiya. Di saha ka paɣ’ so ŋun daa nyɛ bia maa biyola daa zaŋ o zɔra; paɣ’ maa ni daa zaŋ o zɔri yomyom maa ka o faai lu, ka o naba nya dansi ka o niŋ wɔbiga. Bia maa yuli n-daa booni Mɛfibɔshɛt.

⁵Di saha ka Rimɔn ŋun daa nyɛ Bɛrɔt nir’ la bihi bɛn daa nyɛ Rɛkab mini Baana daa yiɣisi lu soli n-daa ti paai Ishibɔshɛt yiŋ’ wuntaŋ’ zuɣusaa saha din nyɛ saha shɛl’ o ni daa dɔni ni o vuhi wuntaŋ’ ni.

⁶Nyama, ka paɣ’ so ŋun daa nyɛ dunɔgula ʒiya maani alikama, ka gom ti gbaag’ o ka o gbihi, di saha ka Rɛkab min’ o mabia Baana daa sɔɣ’ kpe.

⁷Bɛ ni daa kpe yili maa ni, o daa dola o bindoo zuɣu o dugbɛrili ni gbihira, ka bɛ zaŋ sua n-kuhi ku o, ka ŋmaag’ o zuɣu. Ka bɛ daa zaŋ o zuɣu maa doli Araba polo yuŋ

⁸chaŋ Hiburɔn ti zaŋ li ti Naa Dauda ka yɛl’ o, “Naa, a dim’ Sool ŋun daa kul dol’ a ni o ku a la bia Ishibɔshɛt zuɣu m-bɔŋɔ. Yawɛ m-bɔhi Sool min’ o bihi biɛri n-ti n dan’ naa zuŋɔ dabisili ŋɔ maa.”

⁹Amaa ka Dauda daa garigi yɛli Rɛkab min’ o mabia Baana bɛn daa nyɛ Rimɔn Bɛrɔt nir’ la bihi maa, “Hal ka Yawɛ ŋun be ka nyɛ ŋun tiligi ma n dimnim’ zaa nuu ni ŋɔ zuɣu,

¹⁰ ninvuɣ’ so ŋun daa kana ti yɛli ma, ‘Nyama, Sool kpiya,’ ka daa tɛhi ni o ʒila lahiba’ suŋ na ti ti ma la, n daa gbaag’ o mi n-ku o Zikilag, ka di leeg’ o yɔri o ni ti ma lahiba’ shɛli maa zuɣu.

¹¹Di ti ku be kaman yinim’ putɔɣunim’ ti chaŋ ti liri ŋun ka taali o yiŋa n-ku o o gom shee pa o bindoo zuɣu, ka n ku bɔhi ya o ʒim yihibu maa biɛri ka kun ya dunia ŋɔ ni?”

¹²Ka Dauda daa yɛl’ o nachimba ka bɛ ku ba, ka ŋmahi bɛ bɔɣiri mini bɛ naba n-zaŋ li ti lo n-yili baɣili Hiburɔn biaŋ. Amaa ka bɛ daa zaŋ Ishibɔshɛt zuɣu maa ti sɔɣi Abinɛr siliga din be Hiburɔn la ni.