Read Dagbani 1 Yɛlikura 7 Bible Online

1 Yɛlikura 7 - Dagbani bible

1 Yɛlikura 7

¹Isaka bidibisi n-daa nyɛ: Tola mini Pua ni Jashub ni Shimrɔn, bɛ daa nyɛla niriba anahi.

²Tola bidibisi n-daa nyɛ: Uzi mini Rɛfaya ni Jɛriɛl ni Jamai ni Ibisam ni Shɛmuɛl, bɛna n-daa nyɛ Tola zuliya maa dɔɣirikpamba, ka daa lan nyɛ tɔbutuhiri’ biinsi. Dauda ʒiɛman’ ni, bɛ kalinli daa nyɛla niriba tuhi’ pisinaayi ni kɔbisiyɔbu.

³Uzi bidibiga n-daa nyɛ: Izirahia, ka Izirahia bidibisi daa nyɛ: Maikil mini Obadia ni Joɛl ni Ishia, bɛ daa nyɛla bɛ niriba anu; bɛ zaa daa nyɛla zuɣulaannima.

⁴Ka bɛn daa pahi bɛ zuɣu kaman bɛ daŋ kam mini bɛ yaannim’ dunoya ni daa nyɛ shɛm daa nyɛla tɔbbihi bɔŋbɔŋ ninvuɣ’ tuhi’ pihitanaayɔbu, dama bɛ daa mali paɣiba pam ni bidibisi.

⁵Bɛ daŋ maa zaa daa yila Isaka zuliya ni na, ka bɛ kalinli daa nyɛla ninvuɣ’ tuhi’ pihiniinaayopɔin bɛn daa naan tooi chaŋ tɔbu ni. Ka bɛ daa sabi bɛ yuya doli bɛ daŋ ni daa nyɛ shɛm.

⁶Bɛnjamin bidibisi n-daa nyɛ: Bɛla mini Bɛcha ni Jɛdiayɛl, bɛ daa nyɛla niriba ata.

⁷Bɛla bidibisi n-daa nyɛ Ɛzibɔn mini Uzi ni Uziɛl ni Jɛrimɔt ni Iri, bɛ daa nyɛla niriba anu, ka nyɛ bɛ daŋ ni zuɣulaannima, ka lan nyɛ tɔbutuhiri’ biinsi, ka bɛ zuliya maa daadambiɛligu kalinli daa nyɛ ninvuɣ’ tuhi’ pisinaayi ni pihitanaanahi.

⁸Bɛcha bidibisi n-daa nyɛ: Zɛmira mini Jɔash ni Ɛliɛza ni Ɛliɔnai ni Omri ni Jɛrimɔt ni Abija ni Anatɔt ni Alɛmɛt. Bɛmbɔŋɔnim’ zaa daa nyɛla Bɛcha bidibisi.

⁹Bɛ zuliya maa ni daŋ kam ni dɔbba bɛn daa naan tooi chaŋ tɔb’ ni kalinli daa nyɛla ninvuɣ’ tuhi’ pisi ni kɔbisiyi.

¹⁰Jɛdiayɛl bidibiga n-daa nyɛ: Bilihan, ka Bilihan mi bidibisi daa nyɛ: Jɛushi mini Bɛnjamin ni Ɛhud ni Chɛnaana ni Zɛtan ni Tarishish ni Ahishahar.

¹¹Bɛmbɔŋɔnim’ zaa daa nyɛla Jɛdiayɛl daŋ ni niriba, ka daa nyɛ zuɣulaannima bɛ daŋ maa ni. Bɛn daa nyɛ tɔbutuhiri’ biinsi ka ni tooi chaŋ tɔbu kalinli daa nyɛla ninvuɣ’ tuhi’ pinaayopɔin ni kɔbisiyi.

¹²Ka Shupim mini Hupim daa nyɛ Iri bidibisi, ka Hushim mi daa nyɛ Ahɛr bidibiga.

¹³Naftali bidibisi n-daa nyɛ: Jaziɛl mini Guni ni Jɛzar ni Shallum, bɛ daa nyɛla Biliha zuliya.

¹⁴Manaasa bidibisi n-daa nyɛ: Asiriɛl, o mam ŋun daa nyɛ Aram paɣ’ la ni daa dɔɣi bi’ so, ŋuna n-daa lan dɔɣi Makiri ŋun daa nyɛ Giliad ba la.

¹⁵Ka Makiri daa bo paɣiba ti Hupim mini Shupim. O tizɔpaɣ’ yuli n-daa booni Maaka. O bidib’ so ŋun daa pahi ayi n-daa nyɛ Zɛlɔfɛhad, ŋun’ daa dɔɣila bipuɣinsi noli.

¹⁶Makiri paɣ’ so ŋun yuli daa booni Maaka la daa dɔɣi bidibiga, ka bol’ o yuli Pɛrɛsh. O mabia yuli n-daa booni Shɛrɛsh; o mi mabihi yuya n-daa booni Ulam mini Rɛkɛm.

¹⁷Ulam bidibiga n-daa nyɛ Bɛdan. Bɛmbɔŋɔnim’ zaa daa nyɛla Giliad bihi, ka Giliad nyɛ Makiri bia, ka Makiri mi nyɛ Manaasa bia.

¹⁸Giliad tizɔpaɣ’ Hamolɛkɛt n-daa dɔɣi Ishɔd mini Abiɛza ni Mahila.

¹⁹Shɛmida bidibisi n-daa nyɛ: Ahian mini Shɛkɛm ni Likihi ni Aniam.

²⁰Ifriim bidibisi n-daa nyɛ: Shutɛla mini Bɛrɛd ni Tahat ni Ɛliada ni Tahat

²¹ni Zabad ni Shutɛla ni Ɛzɛr mini Ɛliad bɛn daa chaŋ ni bɛ ti taɣi Gaatinim’ niɣi chaŋ ka bɛ ku ba

²²ka bɛ ba Ifriim daa kum bɛ zuɣu dabisi gbaliŋ, ka o dɔɣiriba daa kana ti maag’ o suhu la.

²³Ka Ifriim min’ o paɣ’ maa daa lan dɔni ka o niŋ pua dɔɣi bidibiga, ka o bol’ o yuli Bɛraya, zaɣ’ biɛɣu din daa niŋ o yiŋ’ maa ni zuɣu.

²⁴O bipuɣiŋga n-daa nyɛ Shiira. Ŋuna n-daa me Bɛtihɔrɔn tiŋli mini di zuɣusaa polo ni Uzɛnishiira la.

²⁵Ifriim bidibisi n-daa lan nyɛ Rɛfa mini Rɛshɛf ni Tɛla ni Tahan,

²⁶ni Leedan ni Ammihud ni Ɛlishama

²⁷ni Nan ni Jɔshua.

²⁸Bɛ ni daa ʒi luɣ’ shɛŋa ka su li n-daa nyɛ: Bɛtɛl mini di tiŋkpansi ni Naaran din daa be wulimpuhili polo la ni Gɛza din daa be wulinluhili polo la mini di tiŋkpansi ni Aya mini di tiŋkpansi.

²⁹Zaŋ kpa Manaasa tintarisi polo, Yisifu ŋun daa nyɛ Yaakubu bia la mi bidibisi n-daa ʒini nimaani n-su Bɛtishɛan mini di tiŋkpansi ni Taanak mini di tiŋkpansi ni Mɛgido mini di tiŋkpansi ni Dɔri mini di tiŋkpansi zaa.

³⁰Asha bidibisi n-daa nyɛ: Imna mini Ishiva ni Ishivi ni Bɛraya ni bɛ tizɔpaɣa Sɛra.

³¹Bɛraya bidibisi n-daa nyɛ: Hɛbɛr mini Malikiɛl ŋun daa nyɛ Birizait ba la.

³²Hɛbɛr n-daa nyɛ Jafilɛt mini Shoma ni Hɔtam ni bɛ tizɔpaɣ’ Shua ba

³³Jafilɛt bidibisi n-daa nyɛ: Pasak mini Bimhal ni Ashivat. Bɛna n-daa nyɛ Jafilɛt bidibisi.

³⁴O mabia Shɛmɛr mi bidibisi n-daa nyɛ: Ahi mini Rɔga ni Jɛhuba ni Aram.

³⁵O mabia Hɛlɛm bidibisi n-daa nyɛ: Zɔfa mini Imna ni Shɛlɛsh ni Amal.

³⁶Zɔfa bidibisi n-daa nyɛ: Sua mini Harinɛfa ni Shual ni Bɛri ni Imira

³⁷ni Bɛza ni Hɔd ni Shamma ni Shilisha ni Itiran ni Bɛra.

³⁸Jɛta bidibisi n-daa nyɛ: Jɛfune ni Pisipa ni Ara.

³⁹Ula bidibisi n-daa nyɛ: Ara mini Hanniɛl ni Rizia.

⁴⁰Bɛmbɔŋɔnim’ zaa daa nyɛla Asha zuliya ni dɔbba, ka daa nyɛ bɛ daŋ ni dɔɣirikpamba ni tɔbutuhiri’ biinsi, ka lan nyɛ ninvuɣ’ gahinda. Bɛ dɔbba bɛn daa naan tooi chaŋ tɔbu ni kalinli daa nyɛla dɔbba tuhi’ pisinaayɔbu.