Read Dagbani 1 Yɛlikura 8 Bible Online

1 Yɛlikura 8 - Dagbani bible

1 Yɛlikura 8

¹Bɛnjamin bihi n-daa nyɛ: Bɛla ŋun daa nyɛ o bituuli la mini Ashibɛl ŋun daa pa o zuɣu ni Ahara ŋun daa pah’ ata

²ni Nɔha ŋun daa pah’ anahi ni Rafa ŋun daa pah’ anu la.

³Bɛla bidibisi daa nyɛla: Adda mini Gɛra ni Abihud

⁴ni Abishua ni Naaman ni Ahɔa

⁵ni Gɛra ni Shɛfufan ni Huram.

⁶Bɛmbɔŋɔnima n-daa nyɛ Ɛhud bidibisi, (bɛ daa nyɛla bɛ daŋ ni dɔɣirikpamba m-be Gɛba tiŋgban’ ni, ka bɛ daa ti gbahi ba kuli Manahat)

⁷bɛna n-daa nyɛ: Naaman mini Ahija ni Gɛra[3] ŋun daa nyɛ Yuza mini Ahihud ba la.

⁸Shaharaim daa dɔɣi bidibisi Mɔabnim’ tiŋgbɔŋ ni, o ni daa kar’ o paɣiba bɛn yuya daa booni Hushim mini Baara la nyaaŋa.

⁹O paɣ’ ŋun yuli daa booni Hɔdɛsh la daa dɔɣi bidibisi, bɛna n-daa nyɛ: Jɔbab mini Zibia ni Mɛsha ni Malikam

¹⁰ni Jɛuz ni Sakia ni Mirima. Bɛmbɔŋɔ n-daa nyɛ o bidibisi ka daa nyɛ bɛ daŋ ni dɔɣirikpamba.

¹¹O paɣ’ so ŋun yuli daa booni Hushim la gba daa dɔɣi bidibisi, bɛna n-daa nyɛ: Abitub mini Ɛlipaal.

¹²Ɛlipaal bidibisi n-daa nyɛ: Ɛba mini Misham ni Shɛmɛd ŋun daa me Ono mini Lɔd ni di tiŋkpansi la.

¹³Bɛraya mini Shɛma (daa nyɛla bɛ daŋ ni dɔɣirikpamba bɛn daa ʒi Aijalɔn, ka daa nyɛ bɛn ŋme n-kari Gaatinim’ la)

¹⁴ni Ahio ni Shashak ni Jɛrɛmɔt.

¹⁵Zɛbadia mini Arad ni Ɛda

¹⁶ni Maikil ni Ishipa ni Jɔha daa nyɛla Bɛraya bidibisi.

¹⁷Zɛbadia mini Mɛshulam ni Hiziki ni Hɛbɛr

¹⁸ni Ishimɛrai ni Izilia ni Jɔbab daa nyɛla Ɛlipaal bidibisi.

¹⁹Jakim mini Zikiri ni Zabidi

²⁰ni Ɛliɛnai ni Zilɛtai ni Ɛliɛl

²¹ni Adaya ni Bɛraya ni Shimirat daa nyɛla Shimɛi bidibisi.

²²Ka Ishipan mini Ɛba ni Ɛliɛl

²³ni Abidɔn ni Zikiri ni Hanan

²⁴ni Hanania ni Ɛlam ni Antɔtija

²⁵ni Ifidɛya ni Pɛnuɛl mi daa nyɛ Shashak bidibisi.

²⁶Ka Shamshɛrai mini Shɛharia ni Atalia

²⁷ni Jaarɛshia ni Ilaija ni Zikiri mi daa nyɛ Jɛrɔham bidibisi.

²⁸Bɛmbɔŋɔ n-daa nyɛ bɛ dɔɣirikpamba kaman bɛ daŋ maa ni daa nyɛ shɛm. Bɛ daa nyɛla ninvuɣ’ zuɣuri m-be Jɛrusalɛm.

²⁹Jɛiɛl ŋun daa nyɛ Gibiɔn ba la daa bela Gibiɔn, ka o paɣa yuli daa booni Maaka.

³⁰O bituuli yuli n-daa booni Abidɔn, ka bɛn daa dol’ o nyaaŋa n-nyɛ: Zur mini Kish ni Baal ni Nadab,

³¹ni Gɛdɔr ni Ahio ni Zɛkɛr

³²ni Mikilɔt (ŋun daa nyɛ Shimia ba la). Bɛmbɔŋɔnim’ mini bɛ niriba daa ʒini baɣilila bɛ dɔɣim maa Jɛrusalɛm fɔŋ ni.

³³Nɛr daa nyɛla Kish ba, ka Kish nyɛ Sool ba. Sool daa nyɛla Jɔnatan mini Malikishua ni Abinadab ni Ɛshibaal ba.

³⁴Jɔnatan bidibiga n-daa nyɛ Mɛribbaal; ka Mɛribbaal daa nyɛ Maika ba.

³⁵Maika bidibisi n-daa nyɛ: Pitɔn mini Mɛlɛk ni Taria ni Ahaz.

³⁶Ahaz daa nyɛla Jɛhɔada ba, ka Jɛhɔada nyɛ Alɛmɛt mini Azimavɛt ni Zimiri ba; Zimiri mi daa nyɛla Mɔza ba;

³⁷Ka Mɔza nyɛ Binia ba; o bihi n-daa nyɛ Rafa mini Ɛliasa ni Azɛl.

³⁸Azɛl daa malila bidibis’ ayɔbu, bɛ yuya m-bɔŋɔ: Azirikam mini Bokɛru ni Ishimail ni Shiaria ni Obadia ni Hanan. Bɛmbɔŋɔ zaa daa nyɛla Azɛl bidibisi.

³⁹Ka o mabia Ɛshɛk mi bidibisi daa nyɛ: Ulam n-daa nyɛ o bituuli, ŋun pah’ ayi n-daa nyɛ Jɛushi, ka Ɛlifɛlɛt mi daa pah’ ata.

⁴⁰Ulam bidibisi daa nyɛla tɔbutuhiri’ biinsi, ka lan nyɛ peentɔriba ni yɛlimaŋli. O daa mali bidibisi mini yaansi pam. Bɛ kalinli daa nyɛla ninvuɣ’ kɔbiga ni pihinu. Bɛ zaa daa nyɛla Bɛnjamin zuliya niriba.