Read Dagbani 2 Yɛlikura 17 Bible Online

2 Yɛlikura 17 - Dagbani bible

2 Yɛlikura 17

¹Ka o bidibiga Jɛhɔshafat daa di nam n-zan’ o zaani, ka daa mali shili gu Izraɛlnima.

²O daa tahi tɔbbihi ti ʒili bɛ ni daa me goondahi gili Juda fɔntin’ shɛŋa la zaa puuni, ka lan zali tɔbbihi Juda tiŋgban’ ni min’ o ba Asa ni daa tuhi deei tin’ shɛŋa Ifriim zuliya niriba tiŋgban’ ni la puuni.

³Ka Yawɛ daa ʒe Jɛhɔshafat nyaaŋa, dama o daa kul bemi kaman o ba ni daa tuui di nam ka be shɛm la, o daa bi jɛmdi Baalnima.

⁴Amaa o daa jɛmdila o ba Naawuni ka dol’ o zaligunima, ka daa bi be kaman Izraɛlnim’ ni daa be shɛm la.

⁵Dinzuɣu ka Yawɛ daa chɛ ka o nam maa niŋ yaa pam, ka Judanim’ zaa daa kanna ti tir’ o pina. Ka o daa mali buni pam, ka niriba tir’ o jilima.

⁶O suhu zaa daa kul yɛla Yawɛ jɛmbu zuɣu, ka din pahi nyɛla o daa wurim buɣa jɛmbu shee mini Ashɛrim ŋmahima zaa din be Juda tiŋgban’ ni.

⁷O ni daa di nam ka di ti paai yuma ata saha shɛli, ka o daa tim o kpambaliba, Bɛnheel mini Obadia ni Zakaria ni Nɛtanɛl ni Mikaya ni bɛ chaŋ Juda fɔntinsi ni ti wuhi niriba.

⁸Ka o daa chɛ ka Lɛvinim’ shɛb’ pahi bɛ zuɣu ka bɛ chaŋ. Bɛna n-daa nyɛ Shɛmaya mini Nɛtania ni Zɛbadia ni Asahɛl ni Shɛmiramɔt ni Jɛhɔnatan ni Adɔnija ni Tɔbija ni Tɔbadɔnija m-pahi Maligumaaniba Ɛlishama mini Jɛhɔram.

⁹Ka bɛ daa zaŋ Yawɛ zaligu kundi la n-gili Juda fɔntinsi ni zaa wuhi niriba.

¹⁰Yawɛ yɛla daa gbahi tiŋgbɔn shɛŋa din daa gili Juda tiŋgbɔŋ maa nanim’ zaa dabiɛm, ka bɛ daa bi buɣisi ni bɛ lo tɔbu n-tuhi Jɛhɔshafat.

¹¹Ka Filistianim’ shɛb’ daa ʒiri pina mini anzinfa na ti jɛmdi Jɛhɔshafat. Ka Laribunim’ gba daa zaŋ piɛlahi tusaayopɔin ni kɔbisiyopɔin mini bulahi tusaayopɔin ni kɔbisiyopɔin na ti ti o.

¹²Ka Jɛhɔshafat daa nya yaa pam, ka me goondahi gili fɔntinsi, ka lan me nɛma sɔŋbu shee tinsi zali Juda tiŋgbɔŋ maa ni.

¹³O daa tum tuun’ kara Juda fɔntinsi ni. O daa zaŋ tɔbutuhiri’ biinsi ti ʒili Jɛrusalɛm.

¹⁴Bɛ daa sabi bɛ yuya dolila bɛ daŋ ni nyɛ shɛm. Juda zuliya ni sapashin’ kpamba bɛn daa su tɔbbihi tusatusa fukumsi puuni, Adina daa sula tɔbutuhiri’ biinsi tuhi’ kɔbisita.

¹⁵Ka sapashini ŋun pa o zuɣu n-daa nyɛ Jɛhɔhanan. O daa sula tɔbbihi tuhi’ kɔbisiyi ni tuhi’ pihinii.

¹⁶Ka ŋun pa o zuɣu daa nyɛ Zikiri bia Amasia ŋun daa saɣi n-zaŋ omaŋ’ niŋ Yawɛ tuma ni la. O mi daa sula tɔbutuhiri’ biinsi tuhi’ kɔbisiyi.

¹⁷Bɛnjamin daŋ ni; Ɛliada ŋun daa nyɛ tɔbutuhiri’ biiŋa la daa sula tɔbbihi tuhi’ kɔbisiyi bɛn nyɛ peentɔriba ka gbibi nyɔtaɣirisi la.

¹⁸Ka ŋun pa o zuɣu daa nyɛ Jɛhɔzabad, o mi daa sula tɔbbihi tuhi’ kɔbiga ni tuhi’ pihinu bɛn daa gbibi bidibbina m-mali shili gu tɔbu.

¹⁹Bɛmbɔŋɔnim’ daa nyɛla bɛn tumdi naa tuma m-pah’ o ni daa zaŋ tɔbbi’ shɛb’ ʒil’ o ni daa me goondahi gili fɔntin’ shɛŋa Juda tiŋgbɔŋ zaa ni la zuɣu.