Read Dagbani 2 Yɛlikura 27 Bible Online

2 Yɛlikura 27 - Dagbani bible

2 Yɛlikura 27

¹Jɔtam yuma daa nyɛla yuun’ pisinaanu saha shɛl’ o ni daa di nam maa. O daa di nam maa ʒini Jɛrusalɛm la yuun’ pinaayɔbu. O ma yuli n-daa booni Jɛrusha, o daa nyɛla Zadok bipuɣiŋga.

²Jɔtam daa tum din tuhi Yawɛ sani kaman o ba Uzia ni daa tum shɛm; ŋun’ daa lee bi ŋmɛla nyɔɣu kpe Naawuni jɛmbu duu. Amaa niriba maa daa na kul tumdila tuumbiɛri.

³Ŋuna n-daa me Yawɛ jɛmbu duu zuɣusaa polo dunɔdal’ la, ka daa lan me Ofɛl goondaa la pahi.

⁴Din pahi, o daa lan me fɔntinsi zali Juda zoya ni, ka daa lan me yiya mini du’ wɔɣila n-zali yɔɣu puuni, ka me goondahi gil’ li.

⁵O mini Ammɔn naa min’ o niriba daa tuhiya ka o daa nyaŋ ba. Ka Ammɔnnim’ maa daa ti o anzinfa kilɔgiram tusaata ni kɔbisinahi mini alikama din tibisim nyɛ tɔn tuhili ni chi din tibisim nyɛ tɔn tuhili, ka bɛ daa ti o li lala yuma ata.

⁶Ka Jɔtam daa niŋ wɔɣirili, dama o daa doli Yawɛ ŋun nyɛ o Naawuni maa soli.

⁷Jɔtam ni daa lan tum tuun’ shɛŋa zaa min’ o ni daa tuhi tɔb’ shɛŋa zaa ni o biɛhigu ni daa nyɛ shɛm zaa, bɛ sab’ li niŋ Izraɛl mini Juda nanim’ litaafi ni.

⁸Jɔtam yuma daa nyɛla yuun’ pisinaanu saha shɛl’ o ni daa di nam maa. O daa di nam maa ʒini Jɛrusalɛm la yuun’ pinaayɔbu.

⁹Jɔtam ni daa ti faai siɣ’ o yaannim’ sani, bɛ daa sɔɣ’ o la Dauda tiŋ’ la ni. Ka o bia Ahaz daa di nam zan’ o zaani.