Read Dagbani Nɛhimia 10 Bible Online

Nɛhimia 10 - Dagbani bible

Nɛhimia 10

¹Ninvuɣ’ shɛb’ bɛn yuya daa sabi pa binshɛŋa bɛ ni daa zaŋ tabili maa zuɣu n-daa nyɛ Hakalia bia Nɛhimia ŋun daa nyɛ gomna la, mini Zɛdɛkia ni

²Sɛraya ni Azaria ni Jɛrimia ni

³Pashihur ni Amaria ni Malikija ni

⁴Hatush ni Shɛbania ni Maluk ni

⁵Harim ni Mɛrɛmɔt ni Obadia ni

⁶Daniɛl ni Ginnɛtɔn ni Baruk ni

⁷Mɛshulam ni Abija ni Mijamin ni

⁸Maazia ni Biligai ni Shɛmaya; maligumaaniba m-bala.

⁹Lɛvinima m-bɔŋɔ: Azania bia Jɛshua la mini Binnui Hɛnadad daŋ ni nir’ la ni Kadimiɛl

¹⁰ni bɛ taba Shɛbania ni Hɔdia ni Kɛlita ni Pɛlaya ni Hanan ni

¹¹Maika ni Rɛhɔb ni Hashabia ni

¹²Zakur ni Shɛrɛbia ni Shɛbania so mi ni

¹³Hɔdia so mi ni Bani ni Bɛninu.

¹⁴Niriba Zuɣulaannim’ n-daa nyɛ: Parɔsh mini Pahatimɔab ni Ɛlam ni Zatu ni Bani so mi ni

¹⁵Bunni ni Azigad ni Bɛbai ni

¹⁶Adɔnija ni Biɣivai ni Adin ni

¹⁷Atɛr ni Hɛzɛkia ni Azur ni

¹⁸Hɔdia so mi ni Hashum ni Bɛzai ni

¹⁹Harif ni Anatɔt ni Nɛbai ni

²⁰Maɣipiash ni Mɛshulam so mi ni Hɛzir ni

²¹Mɛshɛzabɛl ni Zadok ni Jadua ni

²²Pɛlatia ni Hanan ni Anaya ni

²³Hɔshia ni Hanania ni Hashub ni

²⁴Halɔhɛshi ni Piliha ni Shɔbɛk ni

²⁵Rɛhum ni Hashabina ni Maasɛya ni

²⁶Ahia ni Hanan so mi ni Anan ni

²⁷Maluk ni Harim ni Baana.

²⁸“Tinim’ ninvuɣ’ shɛb’ bɛn zaa pahi n-nyɛ maligumaaniba mini Lɛvinim’ ni dunɔguliba ni yiliyiiniba ni Naawuni jɛmbu duu tumtumdiba ni tinim’ ninvuɣ’ shɛb’ bɛn zaa woligi timaŋ’ ka chɛ tiŋgbɔŋ ŋɔ niriba saɣiya ni ti ni doli Naawuni zaligu. Ti mini ti paɣiba ni ti bidibisi ni bipuɣinsi bɛn zaa yɛm goligi ka bɛ ni tooi baŋ shɛli

²⁹zaŋ timaŋ’ pahi ti dɔɣiriba mini ti kpamba zuɣu m-po pɔri ŋɔ ni ti ni doli Naawuni ni daa zaŋ zaligu shɛli ti o dabili Musa ka o ti ti ni ti gbibi la. Ti lan saɣi ni ti ni tum Yawɛ ŋun nyɛ ti Duuma ŋɔ zaligunim’ maa zaa mini zaligu shɛŋa din pahi zaa ni wuhi shɛm. Ka ti yi bi dol’ li, din’ dim’ ti.

³⁰ Ti ku zaŋ ti bipuɣinsi ti tiŋgbɔŋ maa ni niriba bee n-kpuɣi bɛ bipuɣinsi ti ti bidibisi.

³¹ Ka tiŋgbɔŋ maa ni niriba yi ti zaŋ bɛ nɛma bee kawana ni chi na Vuhim Dabisili dali ni bɛ ti kɔhi, ti ku da li Vuhim Dabisili dali bee dabisili kasi dali. Ti mi ku ko yuun’ shɛli din pahir’ ayopɔin puuni, ka ku ti sama zaa din dol’ ti taba.

³² Yuuni kam puuni ti zali timaŋ’ zaligu ni ti ni tɔhiri anzinfa giram diba anu, ka bɛ mal’ li tumdi ti Naawuni jɛmbu duu tuma.

³³Ka bɛ zaŋ li maani neen’ shɛŋa bɛ ni yɛn mali niŋdi bɔrɔbɔro shɛli din be kasi mini sahakam chi sara ni bɛ ni zaŋdi biŋkɔb’ shɛba nyɔri buɣim maani sara sahakam ni Vuhim Dabisa dali sara ni Goli Pala churi dali sara ni chu’ shɛŋa bɛ ni zali pahi dali sara ni pin’ shɛŋa din be kasi ni sara shɛŋa bɛ ni maani ka di kpihindi Izraɛlnim’ daalahichi ni binshɛɣukam zaa din yɛn zaŋ tum ti Naawuni jɛmbu duu maa tuma.

³⁴Ti mini Maligumaaniba ni Lɛvinim’ ni niriba pun pihi kuɣa sɔŋ lihi nya ti yaannim’ duno’ shɛli niriba bɛn yɛn bɔri dari na ti niŋdi ti Naawuni jɛmbu duu yuuniyuuni ka bɛ mali maani buɣim Yawɛ ŋun nyɛ ti Naawuni ŋɔ sara maligu bimbini zuɣu kaman di ni sabi shɛm zaligu ni la.

³⁵ Ti zali timaŋ’ zaligu ni ti ni zaŋdi ti tiŋgban’ ni bindir’ daŋda mini ti tia kam wala din daŋdi moobu zaa n-tahiri Yawɛ jɛmbu duu na yuuni kam.

³⁶ Ti ni lan zaŋdi ti bidib’ kpamba mini ti niɣi ni ti biŋkɔbbaligu ni tuui dɔɣi zaɣ’ lo’ shɛba n-tahiri ti Naawuni jɛmbu duu na nti tiri maligumaaniba bɛn tumdi tuma ti Naawuni jɛmbu duu maa ni kaman di ni sabi shɛm zaligu ni.

³⁷ Ti ni lan zaŋdi ti tuuli ziŋŋɔritili mini ti pina ni ti tia kam wala ni wain palli ni kpa’ viɛlli tahiri ti Naawuni jɛmbu duu puuni duri la ni na nti tiri maligumaaniba. Ti ni lan zaŋdi ti tiŋgban’ ni bindira pirigibu bupia puuni zaɣi yiniyini na nti tiri Lɛvinima; dama Lɛvinim’ maa n-deeri ti tiŋkpansi zaa binyɛra pirigibu bupia puuni zaɣ’ yiniyini.

³⁸ Ka Lɛvinim’ maa yi ti yɛn diɛhi bini pirigibu bupia puuni zaɣi yiniyini maa, di simdi ni maligumaana ŋun yi Aduna daŋ ni na be bɛ sani, ka Lɛvinim’ maa gba yihi bini pirigibu bupia puuni zaɣi yiniyini n-zaŋ na ti niŋ ti Naawuni jɛmbu duu puuni duri din be nɛma yili la ni.

³⁹Dama Izraɛlnim’ mini Lɛvinim’ n-ni ti zaŋ tɔto binyɛra din nyɛ chi mini wain ni kpam tahi nɛma du’ shɛŋa ni luɣ’ kasi shee lahi ni be. Nimaani ka maligumaaniba bɛn tumdi tuma mini dunɔguliba ni yiliyiiniba gba be. Ti ku chɛ ti Naawuni jɛmbu duu maa bahi.”