Read Dagbani Nɛhimia 11 Bible Online

Nɛhimia 11 - Dagbani bible

Nɛhimia 11

¹Niriba zuɣulaannima n-daa be Jɛrusalɛm, ka niriba bɛn kpalim daa pihi kuɣa sɔŋ lihi nya ninvuɣ’ pia kam puuni ninvuɣ’ yinoyino na, ka bɛ ti be Jɛrusalɛm din nyɛ tiŋ’ kasi maa ni, ka chɛ ninvuɣ’ pia kam puuni niriba awɛiwɛi bɛn kpalim la ka bɛ mi be fɔntiŋ’ shɛŋa din kpalim la ni.

²Ka niriba daa paɣi ninvuɣ’ shɛb’ bɛn gba daa saɣi zaŋ bɛ nyɛviya pa talima ni bɛ ni chaŋ ti be Jɛrusalɛm maa.

³ Bɛmbɔŋɔ n-nyɛ yaɣili maa ni zuɣulaannim’ bɛn daa be Jɛrusalɛm, amaa Izraɛlnim’ mini maligumaaniba ni Lɛvinim’ ni Naawuni jɛmbu duu tumtumdiba ni Sulemaana tumtumdiba daŋ la zaa daa bela bɛmaŋmaŋ’ fɔntinsi ni ni bɛmaŋmaŋ’ paliti ni Juda tiŋgbɔŋ ni.

⁴Ka Juda zuliya ni shɛb’ mini Bɛnjamin zuliya ni shɛb’ daa be Jɛrusalɛm. Juda zuliya maa ni niriba n-daa nyɛ: Uzia bia Ataya ŋun daa nyɛ Zakaria yaaŋa la. O yaannim’ shɛba n-daa lan nyɛ Amaria mini Shɛfatia ni Mahalalɛl bɛn daa nyɛ Pɛrɛz daŋ ni niriba la.

⁵Ŋun daa lan pahi n-nyɛ Baruk bia Maasɛya ŋun daa nyɛ Kolihɔze yaaŋa la. O yaannim’ shɛba n-daa lan nyɛ Hazaaya mini Adaya ni Joyarib ni Zakaria so mi bɛn daa nyɛ Shilo daŋ ni niriba la.

⁶Pɛrɛz daŋ ninvuɣ’ shɛb’ bɛn zaa daa be Jɛrusalɛm kalinli daa nyɛla ninvuɣ’ kɔbisinahi ni pisopɔinayika. Bɛ daa nyɛla tɔbutuhiri’ biinsi.

⁷Bɛnjamin zuliya niriba n-daa nyɛ: Mɛshulam bia Sallu ŋun daa nyɛ Joɛd yaaŋa la. O yaannim’ shɛba n-daa lan nyɛ Pɛdaya mini Kolaya ni Maasɛya so mi ni Itiɛl ni Jɛshaya.

⁸O mabihi n-daa nyɛ Gabai mini Sallai. Bɛ zaa kalinli daa nyɛla ninvuɣ’ kɔbisiwɛi ni pihitaayika.

⁹Zikiri bia Joɛl la n-daa nyɛ bɛ zuɣulana, ka Hasɛnua bia Juda mi nyɛ zuɣulaan’ so ŋun pah’ ayi n-su tiŋ’ maa fukumsi.

¹⁰Maligumaaniba n-daa nyɛ: Joyarib bia Jɛdaya mini Jachin

¹¹ni Hilikia bia Sɛraya ŋun daa nyɛ Mɛshulam yaaŋa la. O yaannim’ shɛba n-daa lan nyɛ Zadok mini Mɛrayɔt ni Ahitub ŋun daa nyɛ maligumaaniba zuɣulan’ la.

¹²Bɛ mini bɛ mabihi bɛn daa tumdi Naawuni jɛmbu duu puuni tuma zaa kalinli daa nyɛla ninvuɣ’ kɔbisinii ni pisinaayi. Jɛrɔham bia Adaya daa nyɛla Pɛlalia yaaŋa. O yaannim’ shɛba n-daa nyɛ Amizi mini Zakaria so mi ni Pashihur ni Malikija.

¹³O mabihi bɛn daa nyɛ bɛ daŋ maa ni dɔɣirikpamba zaa kalinli daa nyɛla ninvuɣ’ kɔbisiyi ni pihinahinaayi. Azarɛl bia Amashisai daa nyɛla Ahizai yaaŋa. O yaannim’ shɛba n-daa nyɛ Mɛshilɛmɔt mini Imɛr.

¹⁴Bɛ mabihi bɛn daa nyɛ tɔbutuhiri’ biinsi ninvuɣ’ kɔbiga ni pihitaayika n-daa be bɛ daŋ maa ni. Bɛ zuɣulana n-daa nyɛ Zabidiɛl ŋun daa nyɛ Hagɛdolim bia la.

¹⁵Lɛvi zuliya niriba n-daa nyɛ: Hashub bia Shɛmaya ŋun daa nyɛ Azirikam yaaŋa la. O yaannim’ shɛba n-daa nyɛ Hashabia mini Bunni

¹⁶ni Shabɛtai mini Jɔzabad bɛn daa nyɛ Lɛvinim’ ninvuɣ’ zuɣuri bɛn su Naawuni jɛmbu duu Samban’ ni tuma fukumsi la.

¹⁷Maika bia Matania daa nyɛla Zabidi ŋun daa yi Asaf daŋ ni na la yaaŋa. Ŋuna n-daa gari ti tooni m-piligiri wumpaɣibo wunsuhigu. Bakibukia n-daa nyɛ o tab’ ni ninvuɣ’ so ŋun pa o zuɣu. Shammua bia Abida daa nyɛla Galal yaaŋa ka nyɛ Jɛdutun yaantibichee.

¹⁸Lɛvinim’ bɛn daa be tin’ kasi maa ni zaa kalinli daa nyɛla ninvuɣ’ kɔbisiyi ni pihiniinaanahi.

¹⁹Dunɔguliba: Akub mini Talimɔn ni bɛ taba bɛn daa guli dunoya la zaa kalinli daa nyɛla ninvuɣ’ kɔbiga ni pisopɔinnaayi.

²⁰Izraɛlnim’ bɛn kpalim mini maligumaaniba bɛn kpalim ni Lɛvinim’ bɛn kpalim daa bela Juda fɔntinsi zaa ni. Bɛ zaa daa bela bɛ tiŋgbana ni.

²¹Amaa Naawuni jɛmbu duu tumtumdiba la daa bela Ofɛl, ka Ziha mini Gishipa daa nyɛ Naawuni jɛmbu duu tumtumdiba maa zuɣulaannima.

²²Lɛvinim’ tuma kpɛm’ ŋun daa be Jɛrusalɛm n-daa nyɛ Bani bia Uzi, ŋun daa nyɛ Hashabia yaaŋa la. O yaannim’ ni ninvuɣ’ shɛb’ bɛn pahi n-daa nyɛ Matania mini Maika. O daa yila Asaf daŋ ni na. Bɛ daa nyɛla yiliyiiniba bɛn su Naawuni jɛmbu duu tuma fukumsi.

²³Pɛriʒia Naa daa zalila zaligu zaŋ chaŋ yiliyiiniba polo, ka sabi wuhi bɛ ni yɛn yiini yila maa shɛm dabisili kam.

²⁴Mɛshɛzabɛl bia Pɛtahia ŋun daa yi Zɛra daŋ ni na, ka nyɛ Juda zuliya nir’ la n-daa nyɛ ŋun ʒe niriba zaani Pɛriʒia Naa sani saria dibu shee bɛ yɛlli kam ni.

²⁵Zaŋ chaŋ tiŋkpansi mini di paliti polo, Judanim’ shɛb’ daa bela Kiriatariba tiŋkpansi mini Dibɔn ni di tiŋkpansi ni Jɛkabiziil ni di tiŋkpansi

²⁶ni Jɛshua ni Molada ni Bɛtipɛlɛt

²⁷ni Hazarishual ni Bɛrishiiba ni di tiŋkpansi

²⁸ni Zikilag ni Mɛkɔna ni di tiŋkpansi

²⁹ni Ɛnrimɔn ni Zɔra ni Jarimut

³⁰ni Zanɔa ni Adulam ni di tiŋkpansi ni Lakishi ni di puri ni Azɛka ni di tiŋkpansi ka bɛ daa ʒini Bɛrishiiba zaŋ hal ni Hinnom Vinvamli ni.

³¹Ka Bɛnjamin zuliya mi daa be Gɛba luɣ’ shɛŋa din nyɛ Mikimash mini Aija ni Bɛtɛl ni di tiŋkpansi

³²ni Anatɔt ni Nɔb ni Anania

³³ni Hazɔr ni Rama ni Giteem

³⁴ni Hadid ni Zɛboim ni Nɛbalat

³⁵ni Lɔd ni Ono din daa nyɛ Nuhi Tuumbaŋdiba Vinvamli la ni.

³⁶Ka bɛ daa chɛ ka Lɛvinim’ shɛb’ bɛn daa be Juda tiŋgbɔŋ ni daa pahi Bɛnjamin zuliya ni.