Read Dagbani Nɛhimia 3 Bible Online

Nɛhimia 3 - Dagbani bible

Nɛhimia 3

¹Di saha ka maligumaaniba zuɣulana Ɛliashib min’ o maligumaanitab’ daa piligi tuma m-mali me Piɛri Dunɔdali gooni la; ka daa zaŋ li ti Naawuni ka mali pununim’ kpɛhi di dunoya. Ka bɛ daa zaŋ li ti Naawuni m-mali lala hal ti paai Kɔbiga Pia la mini Hananɛl Pia la gbini.

²Ka Jɛrikɔnim’ daa me m-pan’ o zuɣu. Ka Imri bia Zakur daa me m-pani bɛ zuɣu.

³Ka Hasɛnaa bidibisi daa mali me Zahim Dunɔdal’ la ka zaŋ dunɔpaɣiri’ dari sa, ka mali pununim’ kpɛhi di dunoya, ka niŋ dunokparita mini kurimulima niŋ li.

⁴Ka Yuria bia Mɛrɛmɔt ŋun daa nyɛ Hakɔz yaaŋa la daa mali me m-pani bɛ zuɣu. Ka Bɛrɛkia bia Mɛshulam ŋun daa nyɛ Mɛshɛzabɛl yaaŋa la daa mali me m-pani bɛ zuɣu. Ka Baana bia Zadok daa mali me m-pani bɛ zuɣu.

⁵Ka Tɛkɔanim’ daa mali me m-pani bɛ zuɣu, amaa ka bɛ nabihi bɛn’ daa zaɣisi ni bɛ ku zaŋ bɛ nyɔɣu yo bɛ kpamba tuma.

⁶Ka Pasɛa bia Joyada mini Bɛsɔdɛya bia Mɛshulam daa mali me Dunɔdal’ Kurili la. Bɛ daa lan zaŋ dunɔpaɣiri dari sa, ka mali pununim’ kpɛhi di dunoya, ka niŋ dunokparita mini kurimulima niŋ li.

⁷Ka Mɛlatia ŋun daa yi Gibiɔn na la mini Jadɔn ŋun daa yi Mɛrɔnɔt na la ni Gibiɔnnim’ ni Mizipanim’ bɛn daa be Yufretiiz Mɔɣili duli yaɣili polo gomna sulinsi ni la daa mali me m-pani bɛ zuɣu.

⁸Ka Harihaya bia Uziɛl ŋun daa nyɛ machɛli ŋun doori salima la daa mali me m-pani bɛ zuɣu. Ka Hanania ŋun daa nyɛ tulaale maana la daa mali me m-pan’ o zuɣu, ka bɛ daa lab’ mali Jɛrusalɛm hal ti paai Goon’ Yɛlinli la shee.

⁹Ka Hur bia Rɛfaya ŋun daa nyɛ Jɛrusalɛm yaɣili pirigili polo naa la daa mali me m-pani bɛ zuɣu.

¹⁰Ka Harumaf bia Jɛdaya daa mali me o yiŋ’ tooni m-pani bɛ zuɣu. Ka Hashabinɛya bia Hatush mali me m-pan’ o zuɣu.

¹¹Ka Harim bia Malikija mini Pahatimɔab bia Hashub daa mali me yaɣ’ shɛli mini Bɔrɔbɔro Shɛbu Duri Shee Pia la.

¹²Ka Halɔhɛshi bia Shallum ŋun gba daa nyɛ Jɛrusalɛm yaɣili pirigili polo naa la min’ o bipuɣinsi daa mali me m-pan’ o zuɣu.

¹³Ka Hanun mini Zanɔanim’ daa mali me Vinvamli ni Dunɔdal’ la, ka mali pununim’ kpɛhi di dunoya ka niŋ di dunokparita mini kurimulima niŋ li. Ka bɛ daa mali me li lala hal ti paai mita kɔbisinahi ni pihinahi wɔɣilim tariga n-zaŋ li ti zal Saɣiri Dunɔdal’ la shee.

¹⁴Ka Rɛkab bia Malikija ŋun daa nyɛ Bɛtihakɛrɛm yaɣili polo naa la daa mali me Saɣiri Dunɔdali maa, ka mali pununim’ kpɛhi li, ka niŋ dunokparita mini kurimulima niŋ li.

¹⁵Ka Kolihɔze bia Shallum ŋun daa nyɛ Mizipa yaɣili polo naa la daa mali me Kɔbilinini Dunɔdal’ la. O daa me li mi ka pil’ li, ka mali pununim’ kpɛhi di dunoya, ka niŋ dunokparita mini kurimulima niŋ li. Ka o daa lan mali me Shɛla Biaŋ la shee gooni din miri naa sambani puu la m-mali lala hal ti paai dunɔdura din daa yiri Naa Dauda tiŋ’ la ni n-sirigiri la ha.

¹⁶Ka Azibuk bia Nɛhimia ŋun daa nyɛ Bɛtizur yaɣili pirigili polo naa la daa mali me m-pan’ o zuɣu. O daa zaŋla lala hal ti paai Dauda siliga la tooni hal ti paai bɛ ni daa gbi mɔɣ’ shɛl’ la mini tɔbbihi biɛhigu shee la.

¹⁷Lɛvinima n-daa mali me m-pan’ o zuɣu. Bɛ ni ŋun daa daŋ mali me m-pan’ o zuɣu n-daa nyɛ Bani bia Rɛhum. Ka Hashabia ŋun daa nyɛ Kɛila yaɣili pirigili polo naa la daa mali me n-ti o yaɣili polɔnima.

¹⁸Di nyaaŋa ka Hɛnadad bia Binnui ŋun daa nyɛ Kɛila yaɣili pirigili polo naa la daa mali me m-pan’ o zuɣu.

¹⁹Ka Jɛshua bia Ɛzɛr ŋun daa nyɛ Mizipa naa la daa mali me gooni din be bɛ ni duri luɣ’ shɛli chani tɔb’ nɛma ni be luɣ’ shɛli gooni maa gɔŋbu shee tooni la m-pan’ o zuɣu.

²⁰Ka Zabai bia Baruk daa niŋ nimmoo mali me gooni maa gɔŋbu shee yaɣ’ shɛli hal ti paai maligumaaniba zuɣulana Ɛliashib yiŋ’ dunoli shee m-pan’ o zuɣu.

²¹Ka Yuria bia Mɛrɛmɔt ŋun daa nyɛ Hakɔz yaaŋa la daa mali me Ɛliashib yiŋ’ dunoli maa shee hal ti paai o yiŋ’ maa tariga m-pan’ o zuɣu.

²²Ka maligumaaniba bɛn daa be nimaani daa mali me m-pan’ o zuɣu.

²³Ka Bɛnjamin mini Hashub daa mali me bɛ yiŋ’ tooni m-pani bɛ zuɣu. Ka Maasɛya bia Azaria ŋun daa nyɛ Anania yaaŋa la daa mali me o yiŋ’ luɣili ni m-pani bɛ zuɣu.

²⁴Ka Hɛnadad bia Binnui daa mali me yaɣ’ shɛli m-pan’ o zuɣu. O daa kpuɣi li la Azaria yiŋ’ hal ti paai gooni maa gɔŋbu shee.

²⁵Ka Uzai bia Palal daa mali me gooni maa gɔŋbu shee mini pia din du n-gari nayili jirambisa din miri nayili guliba biɛhigu shee la tooni. Ka Parɔsh bia Pɛdaya daa mali me m-pan’ o zuɣu.

²⁶Ka Naawuni jɛmbu duu tumtumdiba daa be Ofɛl, ka daa mali me hal ti paai Kom Dunɔdali din daa be wulimpuhili polo la mini pia din daa du pam la shee.

²⁷Ka Tɛkɔanim’ daa mali me yaɣ’ shɛli din daa be pia din du pam la tooni hal ti paai Ofɛl gooni la m-pan’ o zuɣu.

²⁸Ka Maligumaaniba daa mali me Wɔhu Dunɔdali zuɣusaa polo. Sokam daa mali mɛla omaŋmaŋ’ yiŋ’ tooni.

²⁹Ka Imɛr bia Zadok daa mali me o yiŋ’ tooni m-pani bɛ zuɣu. Ka Shɛkania bia Shɛmaya ŋun daa guli Wulimpuhili polo Dunɔdal’ la daa mali me m-pan’ o zuɣu.

³⁰Ka Shɛlɛmia bia Hanania mini Hanun ŋun daa nyɛ Zalaf bia ŋun pah’ ayɔbu la daa mali me m-pan’ o zuɣu. Ka Bɛrɛkia bia Mɛshulam daa mali me o ni daa be luɣ’ shɛli la tooni.

³¹Ka Malikija ŋun daa nyɛ salindoora la daa mali me m-pan’ o zuɣu. O daa mal’ li mi me hal ti paai Naawuni jɛmbu duu tumtumdiba mini kɔhigɔriba yili din daa be Vihibu Dunɔdali shee la hal ti paai zuɣusaa duu din daa be gɔŋbu shee la.

³²Ka salindooriba mini kɔhigɔriba daa mali me zuɣusaa duu din be gɔŋbu shee la mini Piɛri Dunɔdali sunsuuni la.