Read Dagbani Nɛhimia 7 Bible Online

Nɛhimia 7 - Dagbani bible

Nɛhimia 7

¹Gooni maa ni daa me n-naai, ka m mali pununima n-kpɛhi di dunoya la zaa saha shɛli, ka bɛ daa pii dunɔguliba mini yiliyiiniba ni Lɛvinim’ n-ti ba bɛ tuma ni.

²Ka n daa zaŋ Jɛrusalɛm gbibbu fukumsi niŋ n tizo Hanani mini Hanania ŋun daa nyɛ birini guliba kpɛm’ la nuu ni, dama Hanania daa nyɛla ŋun ʒe yim ni ŋun zɔri Naawuni n-gari niriba pam.

³Ka n daa yɛli ba, “Di daŋdiya Jɛrusalɛm dunoya yoobu, faashee wuntaŋ’ ti bii, ka yi ti lan yo li n-zaŋ kuri wɔɣila kpari li saha shɛli dunɔguliba ni na ʒiɛya guli. Piimiya ninvuɣ’ shɛb’ bɛn be Jɛrusalɛm puuni nyɛ tiŋ’ guliba, ka chɛ ka bɛ zaɣ’ yino kam ʒe n-guli o yiŋ’ dɛde.”

⁴Jɛrusalɛm daa nyɛla tin’ titali, amaa niriba bɛn be di ni daa bi yaɣ’ lala, dama bɛ daa na bi lab’ me yiya pam di ni.

⁵Ka n Naawuni daa zaŋ tɛha ŋɔ niŋ n suhu ni, ka n laɣim ninvuɣ’ zuɣuri mini tuma zuɣulaannima ni ti ni yɛn sabi ninvuɣ’ shɛb’ yuya kaman bɛ daŋ ni nyɛ shɛm. Ka n daa nya ninvuɣ’ shɛb’ bɛn daa yi dabitim ni n-daŋ lab’ kuli la yuya ni sabi litaafi shɛli ni. Di ni daa sabi shɛm m-bɔŋɔ:

⁶Bɛmbɔŋɔ nyɛla yaɣili maa ni ninvuɣ’ shɛb’ bɛn daa yi dabitim ni na, ka nyɛ Babilɔn Naa Nɛbukadnɛza ni daa gbahi shɛb’ daba la. Bɛ daa labila Jɛrusalɛm mini Juda na, ka sokam ti be o ya.

⁷Bɛ mini Zɛrubabɛl ni Jɛshua ni Nɛhimia ni Azaria ni Raamia ni Nahamani ni Mɔdɛkai ni Bilishan ni Misipɛrɛt ni Biɣivai ni Nɛhum ni Baana n-daa doli kuna.

⁸Izraɛlnim’ kalinli ni daa nyɛ shɛm m-bɔŋɔ: Parɔsh daŋ niriba daa nyɛla ninvuɣ’ tusaayi ni kɔbiga ni pisopɔinnaayi.

⁹Shɛfatia daŋ niriba daa nyɛla ninvuɣ’ kɔbisita ni pisopɔinnaayi.

¹⁰Ara daŋ niriba daa nyɛla ninvuɣ’ kɔbisiyɔbu ni pihinunaayi.

¹¹Pahat ŋun daa nyɛ Mɔab nir’ la min’ o bidibisi (Jɛshua mini Jɔab) daŋ niriba daa nyɛla ninvuɣ’ tusaayi ni kɔbisinii ni pihinunaanahi.

¹²Ɛlam daŋ niriba daa nyɛla ninvuɣ’ tuhili ni kɔbisiyi ni pihinunaayi.

¹³Zatu daŋ niriba daa nyɛla ninvuɣ’ kɔbisinii ni pihinahinaanu.

¹⁴Zakai daŋ niriba daa nyɛla ninvuɣ’ kɔbisiyopɔin ni pihiyɔbu.

¹⁵Binnui daŋ niriba daa nyɛla ninvuɣ’ kɔbisiyɔbu ni pihinuayika.

¹⁶Bɛbai daŋ niriba daa nyɛla ninvuɣ’ kɔbisiyɔbu ni pihitaayika.

¹⁷Azigad daŋ niriba daa nyɛla ninvuɣ’ tusaayi ni kɔbisita ni pisinaayi.

¹⁸Adɔnikam daŋ niriba daa nyɛla ninvuɣ’ kɔbisiyɔbu ni pihiyɔbunaayopɔin.

¹⁹Biɣivai daŋ niriba daa nyɛla ninvuɣ’ tusaayi ni pihiyɔbunaayopɔin.

²⁰Adin daŋ niriba daa nyɛla ninvuɣ’ kɔbisiyɔbu ni pihinunaanu.

²¹Atɛr (bɛ ni daa lan booni so Hɛzɛkia la) daŋ niriba daa nyɛla ninvuɣ’ kɔbigaayika.

²²Hashum daŋ niriba daa nyɛla ninvuɣ’ kɔbisita ni pihitaayika.

²³Bɛzai daŋ niriba daa nyɛla ninvuɣ’ kɔbisita ni pisinaanahi.

²⁴Harif daŋ niriba daa nyɛla ninvuɣ’ kɔbiga ni pinaayi.

²⁵Gibiɔn daŋ niriba daa nyɛla ninvuɣ’ pihiwɛinaanu.

²⁶Bɛtilihɛmnim’ mini Nɛtɔfanim’ daa nyɛla ninvuɣ’ kɔbiga ni pihiwɛiayika.

²⁷Anatɔtnim’ daŋ niriba daa nyɛla ninvuɣ’ kɔbiga ni pihitaayika.

²⁸Bɛtazimavɛtnim’ daa nyɛla ninvuɣ’ pihinahinaayi.

²⁹Kiriatijiarimnim’ mini Kɛfira ni Bɛrɔt niriba daa nyɛla ninvuɣ’ kɔbisiyopɔin ni pihinahinaata.

³⁰Ramanim’ mini Gɛbanim’ daa nyɛla ninvuɣ’ kɔbisiyɔbu ni pisi ni yini.

³¹Mikimasinim’ daa nyɛla ninvuɣ’ kɔbiga ni pisinaayi.

³²Bɛtɛl mini Ai niriba daa nyɛla ninvuɣ’ kɔbiga ni pisinaata.

³³Nɛbo din pahi la niriba daa nyɛla ninvuɣ’ pihinunaayi.

³⁴Ɛlam ŋun pahi la niriba daa nyɛla ninvuɣ’ tuhili ni kɔbisiyi ni pihinunaanahi.

³⁵Harim daŋ niriba daa nyɛla ninvuɣ’ kɔbisita ni pisi.

³⁶Jɛriko niriba daa nyɛla ninvuɣ’ kɔbisita ni pihinahinaanu.

³⁷Lɔdinim’ mini Hadidnim’ ni Onɔnim’ niriba daa nyɛla ninvuɣ’ kɔbisiyopɔin ni pisi ni yini.

³⁸Sɛnaa niriba daa nyɛla ninvuɣ’ tusaata ni kɔbisiwɛi ni pihita.

³⁹Maligumaaniba: Jɛdaya (ŋun daa yi Jɛshua daŋ ni na la) daŋ niriba daa nyɛla ninvuɣ’ kɔbisiwɛi ni pisopɔinnaata.

⁴⁰Imɛr daŋ niriba daa nyɛla ninvuɣ’ tuhili ni pihinunaayi.

⁴¹Pashihur daŋ niriba daa nyɛla ninvuɣ’ tuhili ni kɔbisiyi ni pihinahinaayopɔin.

⁴²Harim daŋ niriba daa nyɛla ninvuɣ’ tuhili ni pinaayopɔin.

⁴³Lɛvinima: Jɛshua daŋ niriba bɛn daa nyɛ Kadimiɛl yiŋnim’ mini Hɔdɛva yiŋnim’ daa nyɛla ninvuɣ’ pisopɔinnaanahi.

⁴⁴Naawuni jɛmbu duu yiliyiiniba (bɛn daa nyɛ Asaf daŋ niriba la) daa nyɛla ninvuɣ’ kɔbiga ni pihinahaayika.

⁴⁵Naawuni jɛmbu dunɔguliba (n-daa nyɛ Shallum daŋ niriba mini Atɛr daŋ niriba ni Talimɔn daŋ niriba ni Akub daŋ niriba ni Hatita daŋ niriba ni Shɔbai daŋ niriba). Bɛ daa nyɛla ninvuɣ’ kɔbiga ni pihinuayika.

⁴⁶Naawuni jɛmbu duu tumtumdiba n-daa nyɛ: Ziha daŋ niriba mini Hasufa daŋ niriba ni Tabayɔt daŋ niriba

⁴⁷ni Kɛros daŋ niriba ni Sia daŋ niriba ni Padɔn daŋ niriba

⁴⁸ni Lɛbana daŋ niriba ni Hagaba daŋ niriba ni Shalimai daŋ niriba

⁴⁹ni Hanan daŋ niriba ni Gidɛl daŋ niriba ni Gahar daŋ niriba

⁵⁰ni Reeya daŋ niriba ni Rɛzin daŋ niriba ni Nɛkɔda daŋ niriba

⁵¹ni Gazam daŋ niriba ni Yuza daŋ niriba ni Pasia daŋ niriba

⁵²ni Bɛsai daŋ niriba ni Miunim daŋ niriba ni Nɛfushɛsim daŋ niriba

⁵³ni Baɣibuk daŋ niriba ni Hakufa daŋ niriba ni Harihur daŋ niriba

⁵⁴ni Bazilit daŋ niriba ni Mɛhida daŋ niriba ni Harisha daŋ niriba

⁵⁵ni Barikɔs daŋ niriba ni Sizɛra daŋ niriba ni Tɛma daŋ niriba

⁵⁶ni Nɛzia daŋ niriba ni Hatifa daŋ niriba.

⁵⁷Naa Sulemaana tumtumdiba daŋ niriba: Sɔtai daŋ niriba mini Sofɛrɛt daŋ niriba ni Pɛrida daŋ niriba

⁵⁸ni Jaala daŋ niriba ni Darikɔn daŋ niriba ni Gidɛl daŋ niriba

⁵⁹ni Shɛfatia daŋ niriba ni Hatil daŋ niriba ni Pokɛrɛt Hazɛbaim daŋ niriba ni Amɔn daŋ niriba.

⁶⁰Naawuni jɛmbu duu tumtumdiba zaa mini Naa Sulemaana tumtumdiba daŋ niriba zaa kalinli daa nyɛla ninvuɣ’ kɔbisita ni pihiwɛinaayi.

⁶¹Ninvuɣ’ shɛb’ bɛn paya ŋɔ n-nyɛ bɛn daa yi Tɛlimɛla mini Tɛliharisha ni Kɛrub ni Addɔn ni Imɛr n-lab’ kuli na la, amaa ka bɛ daa lee bi tooi wuhi bɛ yaannim’ ni nyɛ shɛba bee bɛ ni yi shɛli na din wuhiri ni bɛ nyɛla Izraɛl zuliya.

⁶²Dɛlaiya daŋ niriba mini Tɔbaya daŋ niriba ni Nɛkɔda daŋ niriba daa nyɛla ninvuɣ’ kɔbisiyɔbu ni pihinahinaayi.

⁶³Bɛn daa nyɛ maligumaaniba, ka gba bi tooi wuhi bɛ yaannim’ ni nyɛ shɛba n-daa nyɛ Hɔbaiya daŋ niriba mini Hakɔz daŋ niriba ni Barizillai daŋ niriba. Barizillai ŋɔ daa kpuɣila Barizillai ŋun daa nyɛ Giliad nir’ la bipuɣinsi ni yino, ka daa zaŋ bɛ daŋ maa yuli m-bol’ omaŋa Barizillai.

⁶⁴Bɛ daa vihiya ni bɛ nya bɛ yuya be maligumaaniba yaannim’ yuya maa ni, amaa ka di daa kani. Dinzuɣu ka bɛ daa wuhi ni bɛ bi be kasi, ka yihi ba maligumaaniba ni.

⁶⁵ Ka gomna daa yɛli ba ni bɛ ku tooi di bindir’ shɛŋa din be kasi zaa la ni faashee maligumaana so ŋun ni tooi lihi Urim mini Tumim[4] ni m-baŋ di ni nyɛ shɛm ti kana.

⁶⁶Niriba maa zaa kalinli daa nyɛla ninvuɣ’ tuhi’ pihinahinaayi ni kɔbisita ni pihiyɔbu

⁶⁷m-pahi bɛ daba bɛn daa nyɛ dɔbba mini paɣiba bɛn kalinli daa nyɛ ninvuɣ’ tusaayopɔin ni kɔbisita ni pihitanaayopɔin; ka bɛ daa mali dɔbba mini paɣiba bɛn daa nyɛ yiliyiiniba, ka bɛ kalinli nyɛ ninvuɣ’ kɔbisiyi ni pihinahinaanu.

⁶⁸Bɛ daa malila yuri kɔbisiyopɔin ni pihitanaayɔbu, ni buntaansi kɔbisiyi ni pihinahinaanu

⁶⁹ni laakumnim’ kɔbisinahi ni pihitanaanu ni bunsi tusaayɔbu ni kɔbisiyopɔin ni pisi.

⁷⁰Daŋ kam puuni dunoya zuɣulaannim’ shɛb’ daa tɔhiya ni bɛ sɔŋ tuma maa. Gomna daa tila salima din tibisim nyɛ kilɔgiram anii ni taha pihinu ni maligumaaniba binyɛra kɔbisinu ni pihita.

⁷¹Ka daŋ kam puuni dunoya zuɣulaannim’ shɛb’ gba daa ti salima din tibisim nyɛ kilɔgiram kɔbiga ni pisopɔinayika ni anzinfa din tibisim nyɛ kilɔgiram tuhili ni kɔbisiyi ni pihinu.

⁷²Ka niriba bɛn kpalim mi daa ti salima din tibisim nyɛ kilɔgiram kɔbiga ni pisopɔinayika ni anzinfa din tibisim nyɛ kilɔgiram kɔbiga ni pihinahi ni maligumaaniba binyɛra pihiyɔbunaayopɔin.

⁷³ Ka maligumaaniba mini Lɛvinim’ ni dunɔguliba ni yiliyiiniba ni ninvuɣ’ shɛba ni Naawuni jɛmbu duu tumtumdiba ni Izraɛlnim’ zaa daa kuli ti ʒini bɛ fɔndi ni. Gol’ so ŋun pahir’ ayopɔin ni daa ti zani, di saha Izraɛlnim’ zaa daa pun ʒini bɛ tinsi ni,