Read Dagbani Yibu 11 Bible Online

Yibu 11 - Dagbani bible

Yibu 11

¹Ka Yawɛ daa yɛli Musa, “Alɔbo zaɣ’ yini n-kpalim ka n yɛn chɛ ka di lu Firawuna mini Ijiptinim’ zuɣu, di nyaaŋa o ni chɛ ka yi chaŋ, o ni kari ya o tiŋgbɔŋ maa ni zaa.

²Yɛlim’ Izraɛlnim’ maa zaa ni bɛ doo kam mini paɣ’ kam suhim’ o ʒiʒiinikpee anzinfa mini salima nɛma.”

³Ka Yawɛ daa chɛ ka Ijiptinim’ maa niŋ ba nirilim. Musa daa nyɛla ninvuɣ’ titali Ijipti tiŋgbɔŋ ni ni Firawuna min’ o kpamba ni o niriba sani.

⁴Ka Musa daa yɛli, “Yawɛ yɛliya, ‘Zaŋ chaŋ yuntisuɣu saha, n ni kpe Ijipti tiŋ’ puuni.

⁵Ka Ijipti tiŋgbɔŋ ni bidib’ kpɛm’ kam ti kpi. Firawuna bikpɛm’ ŋun ti yɛn di nam o kalinsi nyaaŋa gba ni kpi hal zaŋ tabili dab’ paɣ’ ŋun gba’ nɛli zuɣu niɛmdi bikpɛm’ ni kpi ni bɛ ni tuui dɔɣi naɣilabihi shɛb’ zaa.

⁶Ka kuhigu pam ni ti be Ijipti tiŋgbɔŋ ni zaa, ka di kpee na ʒi n-niŋ, ka di kpee mi ku lan niŋ yaha.

⁷Amaa n niriba Izraɛlnim’ bɛna, baa bi yɛn ŋuhi bɛ biŋkɔbigu gba bee daadam din ni chɛ ka yi baŋ ni Yawɛ woligi Izraɛlnim’ ka chɛ Ijiptinima.’

⁸Ka a kpamba ŋɔ ni ti kana ti gbani n tooni yɛli ma, ‘A min’ a niriba zaa bɛn dol’ a yimiya chaŋ. Di nyaaŋa ka n ni chaŋ.’ Ka o daa ŋmaligi Firawuna sani n-yi ni suhuyiɣisili pam.

⁹Ka Yawɛ daa yɛli Musa, “Firawuna ku wum a yɛligu maa, ka di chɛ ka n daalahiziba tuma maa galisi pam Ijipti tiŋgbɔŋ ŋɔ ni.”

¹⁰Musa mini Aduna daa tum alahiziba tuma ŋɔ zaa la Firawuna ninni, amaa ka Yawɛ daa chɛ ka Firawuna niŋ tipawumli n-zaɣisi ni o ku chɛ ka Izraɛlnim’ maa yi o tiŋgbɔŋ maa ni.