Read Dagbani Yila 102 Bible Online

Yila 102 - Dagbani bible

Yila 102

¹[97] Yawɛ, wummi n suhigu, chɛ ka n sɔŋsim bɔbu kuhigu ŋɔ paag’ a.

²Di lɛb’ a nyaaŋa biri ma n suhusaɣiŋgu saha. Gbilisim tibili wum, ka garigi ma yomyom n ni suhir’ a saha shɛli ŋɔ.

³Dama n dabisa kul chanimi gariti kaman nyɔhi la, ka n kɔba ni mi diri buɣim kaman daaŋa ni buɣim la.

⁴N suhu saɣimmi ka kuui kaman mɔri la, ka n kɔre ka bindirigu ni gba.

⁵N ni ŋuhiri pampam zuɣu, n kpalimla kɔba noli.

⁶N ŋmanila tiŋgban’ nɛli ni juɣu, ka ŋmani dabari ni viɣu.

⁷N kul nɛmi doya; n ŋmanila noombil’ ŋun be mɔpilli zuɣu o ko.

⁸N dimnim’ kul yɛri ma la zilima dabisili kam puuni; ka bɛn maani ma ansarisi zaŋ n yuli leei turi.

⁹Tampiligim n kul nyɛ m bindirigu, ka n nintam kul tɔɣiri luri m binnyura ni.

¹⁰A kpuɣi ma zuɣusaa n-zaŋ ma bahi kpaŋa, a suhu ni yiɣisi pam zuɣu.

¹¹N dabisa ŋmanila zaawuni shilinshia; n kuumi kaman mɔri la.

¹²Amaa Yawɛ, nyin’ kul nyɛla naa sahakam; ka a yuli kul ni be ʒiɛmani kam ni.

¹³A ni yiɣisi zo Ziɔn nambɔɣu, dama saha paaya ni a niŋ li nirilim; di saha maa mi m-bɔŋɔ.

¹⁴Dama a daba yuri di kuɣa pam, bɛ zɔri di taŋkpaɣu nambɔɣu.

¹⁵Zuliya kam ni zo Yawɛ yuli, ka dunia ŋɔ nanim’ zaa lu o sizuura o jilima zuɣu.

¹⁶Dama Yawɛ ni lan me Ziɔn, o ni kana ni o jilima.

¹⁷O ni deei ninvuɣ’ shɛb’ bɛn yihi tahima suhigu, o ku zaɣisi bɛ suhigu.

¹⁸Sabimi dimbɔŋɔ zali ʒiɛman’ shɛŋa din kanna nima, ka di zuɣu chɛ ka bɛ ni na bi dɔɣi bi’ shɛba ti paɣi Yawɛ.

¹⁹Yawɛ bela zuɣusaa o luɣ’ kasi shee ka lihirina. O bela alizanda ni ka lihiri dunia ŋɔ na.

²⁰O nyɛla ŋun wumdi bɛn be sarika ni ŋuhibu, ka fari bɛ ni zali ni bɛ kum shɛb’ la bahira,

²¹ka bɛ moli Yawɛ yuli Ziɔn, ka paɣ’ o Jɛrusalɛm,

²²niriba mini nanim’ yi ti laɣim ni bɛ jɛm Yawɛ.

²³O gbarigi n yaa m biɛhigu puuni, ka filim n dabisa.

²⁴N Naawuni, n yɛrimi, di zaŋ ma n nyɛvili sunsuuni, nyini ŋun kul be ʒiɛmani kam ni ŋɔ.

²⁵Nyini n-daa nam dunia ŋɔ kurimbuni ha, a nuhi ka a daa zaŋ nam zuɣusaa.

²⁶Di zaa ni ti saɣim, amaa nyin’ kul ni beni sahakam. Di ni ti kpi kaman siturili la. A taɣiri li mi kaman situra la, ka di kul kpira.

²⁷ Amaa nyin’ bi taɣira, ka a yuma mi ka tariga.

²⁸Ninvuɣ’ shɛb’ bɛn nyɛ a daba bihi ni be ni alaafee. Bɛ zuliya ni ti nya zaa zani a sani.