Read Dagbani Yila 11 Bible Online

Yila 11 - Dagbani bible

Yila 11

¹[8] Yawɛ sani ka n sɔɣi. Ka di chaŋ wula ka yi ti yɛri ma, “Yiɣimi kaman nooŋa la n-chaŋ zoya zuɣu”?

²Dama nyama, ninvuɣ’ biɛri guri bɛ tɔbiri n-zaŋ bɛ piɛma pa tɔbimii zuɣu n-kpuɣi tiri ni bɛ to ninvuɣ’ shɛb’ bɛn biɛhigu tuhi zibisim ni.

³Zaligu tanzaa yi wurim, wula ka wuntizɔra yɛn niŋ?

⁴Yawɛ be o jɛmbu duu din be kasi ni; ka o nam ʒiishee be alizanda ni. O nini nyari daadamnima, ka kpahindi ba.

⁵Yawɛ buɣisiri wuntizɔriba mini ninvuɣ’ biɛri zaa biɛhigu, ka o suhu je bɛn yuri duŋ taabu.

⁶O chɛ ka buɣim sal’ nɛma mini chilibi buɣim kul luri ninvuɣ’ biɛri zuɣu; ka zaŋdi pɔhim tulli darigiri bɛ tibili.

⁷Dama Yawɛ nyɛla wuntialana ka yuri wuntia tuma. Ninvuɣ’ shɛb’ bɛn be tibi n-nyɛ bɛn ni tooi nya o ni bɛ nini.