Read Dagbani Yila 111 Bible Online

Yila 111 - Dagbani bible

Yila 111

¹Paɣimiya Yawɛ! N ni puhi Yawɛ ni n suhu zaa, o ninvuɣ’ shɛb’ bɛn be tibi laɣiŋgu ni.

²Yawɛ tumtumsa galisiya pam, ka ŋunkam yuri li bɔhindi li mi.

³Jilima mini dariza m-be o tuma ni, ka o wuntitali kul beni sahakam.

⁴O bi chɛ ka ti tam’ o daalahiziba tumtumsa yɛla. Yawɛ nyɛla nirilimlana ni nambɔzɔra.

⁵O tiri bɛn zɔr’ o bindirigu; o bi tamd’ o daalikauli yɛla.

⁶O zaŋ zuliya shɛb’ tiŋgbɔna ti o niriba n-wuhi ba o yiko tuma ni nyɛ shɛm.

⁷O nuhi tuma nyɛla din ʒe yim ka tuhi. O zaligunim’ zaa mali naani niŋbu.

⁸Di ni ʒiɛya lala sahakam, ni di chɛ ka niriba doli zaligunim’ maa ni ʒiɛyimtali mini din tuhi tumbu ni.

⁹O ti o niriba faako. O lo o daalikauli ni di kul ʒiɛya sahakam. O yuli be kasi ka mali dabiɛm.

¹⁰ Yawɛ zɔbu n-nyɛ yɛm piligu. Bɛnkam doli di soli mali baŋsim viɛlli. O paɣibu kul ni beni sahakam.