Read Dagbani Yila 114 Bible Online

Yila 114 - Dagbani bible

Yila 114

¹ Izraɛlnim’ ni daa yi Ijipti saha shɛli, Yaakubu zuliya ni daa yi tinzun’ tiŋ’ ni saha shɛli,

²Juda zuliya daa leela Naawuni ninvuɣ’ shɛb’ bɛn be kasi, ka Izraɛlnim’ leeg’ o ni su shɛba.

³ Teeku Ʒiɛɣu daa nyaya ka zo; ka Jɔɔdɛn Mɔɣili ŋmaligi lab’ di nyaaŋa.

⁴Ka zoya daa yiɣiri jɛmdi kaman piɛlahi la, ka daboya daa yiɣiri jɛmdi kaman piɛbihi la.

⁵Teeku, bɔ n-niŋ ka a daa zo? Jɔɔdɛn Mɔɣili, bɔ n-niŋ ka a daa ŋmaligi lab’ a nyaaŋa?

⁶Zoya, bɔ n-niŋ ka yi daa yiɣiri jɛmdi kaman piɛlahi la? Daboya, bɔ n-niŋ ka yi daa yiɣiri jɛmdi kaman piɛbihi la?

⁷Tiŋgbani, sɔhigim’ ti Duuma tooni. Sɔhigim’ ŋun nyɛ Yaakubu Naawuni ŋɔ tooni.

⁸ Ŋuna n-chɛ ka kom yi tampima ni na zɔra, ka chɛ ka kɔzɔrim yi chɛbili kuɣili ni na.