Read Dagbani Yila 115 Bible Online

Yila 115 - Dagbani bible

Yila 115

¹Yawɛ, pa tinima, pa tinima, amaa a yuli ka ti tiri jilima, a yurilim maŋli min’ a ʒiɛyimtal’ la zuɣu.

²Bɔzuɣu ka zuliya shɛb’ bɔhira, “Ya ka bɛ Naawuni maa lee be?”

³Ti Naawuni maa bela zuɣusaa. O ni yu’ shɛm ka o tumda.

⁴Amaa bɛ buɣa nyɛla anzinfa mini salima din nyɛ ninsalinim’ ni zaŋ bɛ nuhi mali shɛŋa.

⁵Bɛ mali noya, amaa di bi tɔɣisiri yɛtɔɣa. Bɛ mali nina, amaa di bi nyara.

⁶Bɛ mali tiba, amaa di bi wumda. Bɛ mali nyɛhi, amaa di bi wumdi nyom.

⁷Bɛ mali nuhi, amaa di bi tabisiri shɛli. Bɛ mali naba, amaa di bi chana. Bɛ ku tooi zaŋ bɛ kukoya yɛli shɛli.

⁸ Bɛn mali ba bemi kaman bɛ ni be shɛm. Lala n-nyɛ bɛnkam zaa niŋ wuna maa naani.

⁹Yinim’ Izraɛlnima, niŋmiya Yawɛ naani! Ŋuna n-nyɛ yi sɔŋda ni ŋun guli ya.

¹⁰Yinim’ Aduna zuliya, niŋmiya Yawɛ naani! Ŋuna n-nyɛ yi sɔŋda ni ŋun guli ya.

¹¹Yinim’ bɛn zɔri Yawɛ, niŋmiy’ o naani! Ŋuna n-nyɛ yi sɔŋda ni ŋun guli ya.

¹²Yawɛ baɣa be ti ni. O ni niŋ alibarika niŋ ti ni. O ni niŋ alibarika niŋ Izraɛlnim’ ni. O ni niŋ alibarika niŋ Aduna zuliya ni.

¹³ Yawɛ ni niŋ alibarika niŋ bɛn zɔr’ o ni, bɛn nyɛ wɔɣira mini tarimba zaa.

¹⁴Yawɛ chɛ ka yi mini yi bihi zuliya nabi.

¹⁵Yawɛ ŋun nam zuɣusaa mini dunia ŋɔ, niŋm’ alibarika niŋ yi ni.

¹⁶Yawɛ n-su zuɣusaa ha, amaa ka zaŋ dunia ŋɔ ti ninsalinima.

¹⁷Kpiimba bi paɣiri Yawɛ, ka bɛn chaŋ ti be kpiimba biɛhigu shee gba bi paɣiri Yawɛ.

¹⁸Amaa tinim’ n-ni paɣi Yawɛ pumpɔŋɔ hal ni saha din ka bahigu. Paɣimiya Yawɛ!