Read Dagbani Yila 128 Bible Online

Yila 128 - Dagbani bible

Yila 128

¹[109] Ninvuɣ’ so ŋun luri Yawɛ sizuura, ka dol’ o soli mali alibarika.

²A ni di a tuma nyɔri. A ni tɔŋ ka mali suhupiɛlli.

³A paɣ’ ni ŋmanila ti’ shɛli din wandi wala a yiŋ’ puuni. A bihi ni ŋmanila olivi tia wula n-ʒi n-gil’ a, ka yi laɣim diri ŋman’ yini ni.

⁴Lala ka ninvuɣ’ so ŋun luri Yawɛ sizuura nyari alibarika.

⁵Yawɛ alibarika ni yi Ziɔn na paag’ a. Naawuni chɛ ka a nya Jɛrusalɛm tɔŋbu a dunia yili bebu ni zaa.

⁶Naawuni chɛ ka a nini nya a yaansi. Naawuni tim’ Izraɛlnim’ suhudoo!