Read Dagbani Yila 129 Bible Online

Yila 129 - Dagbani bible

Yila 129

¹[110] Izraɛlnima, yɛlimiya, “M bilim ni ka bɛ pun nahindi ma pam;

²m bilim ni ka bɛ pun nahindi ma pam. Amaa bɛ bi tooi nyaŋ ma.

³Bɛ ti ma dansi n yaaŋa zuɣu. Bɛ niŋ li la zaɣ’ wɔɣila kaman pukpara ni wɔriti vuɣisi shɛm la.

⁴Yawɛ nyɛla wuntialana. O chihi ninvuɣ’ biɛri ni lo ti mi’ shɛŋa.”

⁵Naawuni chɛ ka bɛnkam je Ziɔn di vi, ka ŋmaligi lab’ bɛ nyaaŋa.

⁶Chɛ ka bɛ be kaman mɔpilli zuɣu mɔri, din ni kpi ka na bi zooi,

⁷ka chɛ ka di ku pali mɔchɛriba nukura bee n-saɣi mɔbɔbilɔriba mɔbɔɣu,

⁸ka chɛ ka sochandiba ku yɛli, “Yawɛ niŋm’ alibarika niŋ yi ni!” Ti suhir’ alibarika tiri ya Yawɛ yuli zuɣu.