Read Dagbani Yila 13 Bible Online

Yila 13 - Dagbani bible

Yila 13

¹[10] Yawɛ, saha yuusim wula ka a yɛn tam n yɛla? A ni tam n yɛla sahakam? A yɛn ŋmalig’ a nini bahi kpaŋa ka chɛ ma ka di yuusim paai bɔ saha?

²N yɛn gbib’ biɛrim n suhu ni ti paala bɔ saha? N yɛn malila suhugarigu dabisi’ muni puuni zaa? N dimnim’ kul yɛn nyandi ma ka di yuusim paala bɔ saha?

³Yawɛ ŋun nyɛ n Naawuni ŋɔ, chɛ ka a baɣa be n ni ka garigi ma. Tim’ ma yaa yaha, di yi pa lala n ni kpi,

⁴ka n dimnim’ yɛli, “Ti nyaŋ o.” Ka n dimnim’ suhuri ni paligi n lubu zuɣu.

⁵Amaa n ni niŋ a yurilim din galisi ŋɔ naani. M mali suhupiɛlli a ni tiligi ma zuɣu.

⁶N ni yili yila paɣi Yawɛ, dama a niŋ ma zaɣ’ viɛlli pam.