Read Dagbani Yila 130 Bible Online

Yila 130 - Dagbani bible

Yila 130

¹[111] Yawɛ, m bela muɣisigu pam ni ka kumdi niŋd’ a.

²N Duuma, wummi n kuhigu! Gbilisim’ tibili wum n suhigu shɛli n ni suhir’ a ni a zo ma nambɔɣu ŋɔ.

³Yawɛ, a yi yɛn niŋ ti daalahichi laasabu, ti Duuma, ŋuni n-lee ni tiligi?

⁴Amaa a nyɛla ŋun chɛri niriba taali ni di chɛ ka bɛ zɔr’ a.

⁵N kul guhirila Yawɛ; n kul guhir’ o mi, ka mali tahima o yɛligu ni.

⁶N kul guhirila Yawɛ n-gari tiŋguliba bɛn guhiri biɛɣu neebu. Yɛlimaŋli, hal n-gari tiŋguliba bɛn guhiri biɛɣu neebu.

⁷Izraɛlnima, maliya tahima Yawɛ sani! Dama yurilim maŋli be Yawɛ sani, ka o mali yiko pam din ni tiligi niriba.

⁸ Ŋuna n-nyɛ ŋun ni tiligi Izraɛlnim’ bɛ daalahichi zaa ni.