Read Dagbani Yila 136 Bible Online

Yila 136 - Dagbani bible

Yila 136

¹ Puhimiya Yawɛ, dama o viɛla. O yurilim maŋli la kul ni beni sahakam.

²Puhimiya Naawuni ŋun nyɛ wuna zaa Naawuni ŋɔ. O yurilim maŋli la kul ni beni sahakam.

³Puhimiya ti Duuma ŋun nyɛ duumanim’ zaa Duuma ŋɔ. O yurilim maŋli la kul ni beni sahakam.

⁴O kɔŋko n-nyɛ ŋun tumd’ alahiziba tuun’ kara. O yurilim maŋli la kul ni beni sahakam.

⁵ O yɛm puuni ka o nam zuɣusaa. O yurilim maŋli la kul ni beni sahakam.

⁶ Ŋuna n-nam tiŋgbani pa kom zuɣu. O yurilim maŋli la kul ni beni sahakam.

⁷Ŋuna n-nam neesim titaŋa. O yurilim maŋli la kul ni beni sahakam.

⁸O chɛ ka wuntaŋ’ su wuntaŋ’ ni. O yurilim maŋli la kul ni beni sahakam.

⁹ O chɛ ka goli mini saŋmarisi su yuŋ. O yurilim maŋli la kul ni beni sahakam.

¹⁰ O daa ku Ijiptinim’ bikpamba. O yurilim maŋli la kul ni beni sahakam.

¹¹ O daa yihi Izraɛlnim’ Ijipti. O yurilim maŋli la kul ni beni sahakam.

¹²O nuu din mali kpiɔŋ min’ o bɔɣu ka o daa teei yihi ba. O yurilim maŋli la kul ni beni sahakam.

¹³O daa pirigi Teeku Ʒiɛɣu buyi. O yurilim maŋli la kul ni beni sahakam.

¹⁴O daa chɛ ka Izraɛlnim’ siɣi teeku puuni n-chaŋ du. O yurilim maŋli la kul ni beni sahakam.

¹⁵ Amaa o daa chɛ ka Teeku Ʒiɛɣu kom di Ijipti naa min’ o tɔbbihi. O yurilim maŋli la kul ni beni sahakam.

¹⁶O daa zaŋ o niriba kpe mɔɣu ni gari. O yurilim maŋli la kul ni beni sahakam.

¹⁷O daa ku na’ kara. O yurilim maŋli la kul ni beni sahakam.

¹⁸O daa ku na’ shɛb’ bɛn yuya du. O yurilim maŋli la kul ni beni sahakam.

¹⁹ O daa ku Amɔrinim’ Naa Sihɔn. O yurilim maŋli la kul ni beni sahakam.

²⁰ O daa ku Bashan Naa Ogi. O yurilim maŋli la kul ni beni sahakam.

²¹O daa zaŋ bɛ tiŋgbana ti o niriba ni bɛ su li. O yurilim maŋli la kul ni beni sahakam.

²²O daa zaŋ li ti o daba Izraɛlnima. O yurilim maŋli la kul ni beni sahakam.

²³Ti ni daa nya filiŋ la o daa bi tam ti yɛla. O yurilim maŋli la kul ni beni sahakam.

²⁴O daa yihi ti ti dimnim’ nuu ni. O yurilim maŋli la kul ni beni sahakam.

²⁵O tiri binnɛɔŋ kam bindirigu. O yurilim maŋli la kul ni beni sahakam.

²⁶Puhimiya Naawuni ŋun be zuɣusaa ŋɔ. O yurilim maŋli la kul ni beni sahakam.