Read Dagbani Yila 138 Bible Online

Yila 138 - Dagbani bible

Yila 138

¹[117] Yawɛ, n ni paɣ’ a ni n suhu zaa. N ni yili yila paɣ’ a wuna sani.

²N zaŋla n nina kpa a jɛmbu duu la, ka gbani paɣ’ a yuli a yurilim maŋli la min’ a ʒiɛyimtali la zuɣu, dama a duh’ a yuli min’ a yɛligu gari shɛlikam.

³N ni daa suh’ a dahin’ shɛli, a daa deei n suhigu, ka pahi ma kpiɔŋ.

⁴Yawɛ, dunia ŋɔ nanim’ zaa ni paɣ’ a, dama bɛ wum a yɛtɔɣa.

⁵Yawɛ, bɛ ni yili yila yɛl’ a tuma yɛla, dama nyin’ Yawɛ jilima galisiya pam.

⁶Yawɛ, hal a ni kul be zuɣusaa ha maa zaa yoli, a baɣa be tarimba ni, amaa a be katiŋ’ ka chɛ karimbaannima.

⁷Hal muɣisigu yi gili ma niŋ sunsuuni gba, a yihiri ma di puuni ni alaafee. A kul yihiri ma n dimnim’ bɛn suhu yiɣisi bahi n zuɣu nuu ni. A teer’ a nudirigu n-fari ma bahira.

⁸Yawɛ, a ni niŋ a ni lo ma alikauli ni a ni niŋ shɛlikam ti ma. Yawɛ, a yurilim maŋli la kul ni beni sahakam. Di zaŋ a nuhi tuma bahi.