Read Dagbani Yila 14 Bible Online

Yila 14 - Dagbani bible

Yila 14

¹[11] Jɛra n-yɛri bɛ suhuri ni, “Naawuni kani.” Bɛ nyɛla tuumbiɛrinima, ka tumdi din chihira; ka so ka bɛ ni n-nyɛ ŋun tumdi din viɛla.

²Yawɛ kul bela alizanda ni, ka lihiri ninsalinima ni o nya bɛ ni shɛb’ mali yɛm, ka nyɛ bɛn jɛmdi ŋun’ Naawuni.

³ Bɛ zaa birigimi; bɛ zaa tumdila din chihira. Bɛ ni so bi tumdi din viɛla, hal ninvuɣ’ yino gba kani.

⁴Tuumbiɛrinim’ maa zaa so ʒimi? Bɛ zaŋla n niriba n-leei bindirigu dira, ka bi jɛmdi ma.

⁵Dabiɛm ni ti kpe ba pam nimaani, dama Naawuni be wuntizɔriba sani.

⁶Yi ni tooi chɛ ka nandaamba birim bɛ nia lɔbu ni, amaa Yawɛ n-nyɛ bɛ ni sɔɣiri so sani.

⁷M bɔri ni Izraɛlnim’ nasara dibu yi Ziɔn na. Yawɛ yi chɛ ka o niriba lan tɔŋ, di ni niŋ Yaakubu zuliya Izraɛlnim’ nyaɣisim, ka bɛ suhuri paligi pam.