Read Dagbani Yila 141 Bible Online

Yila 141 - Dagbani bible

Yila 141

¹[120] Yawɛ, n yi ti suh’ a, nyin’ gbilisim’ tibili wum, ka sɔŋ ma yomyom.

² Chɛ ka n wunsuhigu be kaman tulaale zim la a sani, ka chɛ ka n nuhi zuɣusaa kpuɣibu be kaman zaawuni sara maligu la.

³Yawɛ, guli n noli, gbibi n naŋgbampiba.

⁴Di chɛ ka n suhu kpe zaɣ’ biɛɣu niŋbu ni, ka m pahi ninvuɣ’ biɛri zuɣu tum zaɣ’ biɛɣu. Di chɛ ka n zaŋ mmaŋ’ bali tuumbiɛtumdiba ni; di chɛ ka m pahi bɛ zuɣu di bɛ bindir’ nyaɣisa.

⁵Chɛ ka wuntizɔra kpahi n zuɣu ni, ka chɛ ka ŋun ʒe yim saɣisi ma. Di chɛ ka m bo jilima ninvuɣ’ biɛɣu sani, dama n kul galindila bɛ tuumbiɛri maa n wunsuhigu puuni.

⁶Bɛ yi daai bɛ zuɣulaannim’ tampima zuɣu luhina, di saha ka bɛ ni baŋ ni n yɛrila yɛlimaŋli.

⁷Bɛ ni ŋmɛri bɔɣiri tampiŋ sɔŋdi tiŋgbɔŋ maa ni shɛm la, lala ka bɛ ni zaŋ bɛ kɔba bahi gballi nol’ ni.

⁸Amaa Yawɛ ŋun nyɛ n Duuma ŋɔ, nyini ka n zaŋ n nina lihira. A sani ka n sɔɣi. Di chɛ ma ka m bahi yoli!

⁹Di chɛ ka bɛ ni bari ma tɔn shɛli gbaai ma, a mi di chɛ ka tuumbiɛtumdiba ni bari ma zana shɛli gbaai ma.

¹⁰Chɛ ka ninvuɣ’ biɛri lu bɛmaŋmaŋ’ zana ni, amaa ka chɛ ka man’ kɔŋko tiligi.