Read Dagbani Yila 142 Bible Online

Yila 142 - Dagbani bible

Yila 142

¹[121] N kuhirila pampam niŋdi Yawɛ. N kul suhirila Yawɛ pampam ni o zo ma nambɔɣu.

²N zaŋ n fabila sɔŋla o tooni. N yɛli n yɛlimuɣisira ni nyɛ shɛli o tooni.

³N yi ti gbarigi saha shɛli, a mi m biɛhigu ni nyɛ shɛm. Bɛ bari ma la tɔŋ n ni doli so’ shɛli zuɣu.

⁴Lihimi n nudirigu polo nya, so bi bɔri n zaɣ’ viɛlli. N ka sɔɣibu shee; so baɣa ka n ni.

⁵Yawɛ, n kuhirimi niŋd’ a yɛra, “Nyini n-nyɛ n ni sɔɣiri so sani. A kɔŋko n-nyɛ n ni bɔri so dunia ŋɔ ni.”

⁶Wummi n suhigu, dama bɛ filim ma. Tiligim’ ma n dimnim’ nuu ni, dama bɛ mali yaa gari ma.

⁷Yihim’ ma sarika ni, ka di zuɣu chɛ ka m paɣ’ a yuli. Wuntizɔriba ni laɣim gili ma, dama a ni niŋ ma nirilim pam.